وزیر اطلاعات پنجاب، عظمیٰ بخاری نے اتحادی جماعت پیپلز پارٹی کو تنقید کا نشانہ بناتے ہوئے کہا کہ نہروں پر سیاست کرنا سندھ کا کام ہے، اور پیپلز پارٹی کو گھر کی لڑائی میڈیا پر نہیں لڑنی چاہیے۔
پیپلز پارٹی کے رہنما، چوہدری منظور نے پریس کانفرنس میں ردعمل دیتے ہوئے کہا کہ سندھ والے کہتے ہیں کہ پانی ہمارا ہے، جبکہ آپ کہتے ہیں کہ یہ پنجاب کا پانی ہے۔ پیپلز پارٹی کو پہلے آپس میں طے کرلینا چاہیے کہ یہ پانی کس کا ہے، کیا آپ پنجاب میں رہ کر پنجاب کی لڑائی نہیں لڑ سکتے؟
انہوں نے مزید کہا کہ نہروں پر سیاست کرنا ہمیشہ سندھ کا کام رہا ہے، لیکن پنجاب میں ایسا نہیں ہوتا۔ کسانوں کے ساتھ کھڑے ہونے سے پہلے یہ چیک کرلیں کہ آیا کسان آپ کے ساتھ ہیں یا نہیں۔ پنجاب نہ کسی کا حق چھینتا ہے اور نہ ہی کسی کو اپنا حق کھانے دیتا ہے۔
عظمیٰ بخاری نے کہا کہ پنجاب ہمیشہ بڑے بھائی کا کردار ادا کرتا رہا ہے۔ وزیراعلیٰ پنجاب سے سوال کرنے کی بجائے، پیپلز پارٹی کو بہتر ہوگا کہ وہ صدر پاکستان سے سوال کرے۔ اور پیپلز پارٹی کو گھر کی لڑائی میڈیا پر نہیں لڑنی چاہیے۔
