نیوزی لینڈ کے بلے بازوں نے ابتدائی تین ٹی 20 میچز میں پاکستانی بالرز کی دھلائی کردی
نیوزی لینڈ کے خلاف ٹی 20 سیریز کے ابتدائی تین میچز میں شاہین آفریدی، حارث رؤف نے رنز کے پہاڑ کھڑے کروادیئے۔
تفصیلات کے مطابق پاکستانی ٹیم اس وقت نیوزی لینڈ میں موجود ہے جہاں پاکستان اور نیوزی لینڈ کی ٹیموں کے مابین ٹی 20 سیریز جاری ہے، سیریز کے ابتدائی تین میچز میں پاکستانی باؤلرز نیوزی لینڈ کے بلے بازوں کے سامنے ناکام نظر آئے۔
سیریز کے تین میچز میں پاکستانی فاسٹ باؤلر حارث رؤف نے سب سے زیادہ 132 رنز دیئے جبکہ کپتان شاہین آفریدی نے مخالف ٹیم کو 119 رنز دیئے، تین میچز میں حارث رؤف نے7 جبکہ شاہین آفریدی نے صرف 4 وکٹیں حاصل کیں۔
بابراعظم کو ہٹانے کے بعد شاہین شاہ آفریدی بھی بطور کپتان بری طرح ناکام رہے اور نہ صرف انکی اپنی پرفارمنس بدترین رہی بلکہ کپتانی بھی ناقص رہی، اس پر سوشل میڈیا پر شدید تنقید کی جارہی ہے۔
خیال رہے کہ نیوزی لینڈ نے پاکستان کو تیسرے ٹی 20 میچ میں پاکستان کو شکست دے کر سیریز اپنے نام کرلی ہے، سیریز کا چوتھا میچ19 جنوری کو کرائسٹ چرچ میں کھیلا جائے گا۔