وزیراعظم شہباز شریف کے گرین پاکستان منصوبے پر 3 سالوں کے دوران 5 روپے خرچ کیے جائیں گے۔
تفصیلات کے مطابق وزیراعظم شہباز شریف کی جانب سے اعلان کردہ گرین انقلاب منصوبے پر عملی طور پر کام شروع کردیا گیا ہے، منصوبہ 3 سال کی مدت میں مکمل ہوگا، تکمیل کی تاریخ30 جون 2026 مقرر کی گئی ہے، منصوبے میں 5 ارب روپے خرچ ہوں گے۔
یہ منصوبہ پاکستان زرعی تحقیقاتی کونسل کےتحت مکمل ہوگا، اس منصوبے میں 24 چھوٹے پروگرامز کی نشاندہی کی گئی ہے، جس میں 3ہزار کسانوں کو 70کروڑ روپے سالانہ فراہمی،200 خوبانی کے شمسی ڈرائرز کی خریداری، 500 کسانوں کو سالانہ کھجور کیلئے شمسی ڈرائرز خریدنے کیلئے1کروڑ روپے کی فراہمی جیسے پروگرامز شامل ہیں۔
وزیراعظم گرین پاکستان انیشیوٹیو پورے پاکستان میں قابل عمل ہوگا، منصوبے کے تحت نجی انٹرپرینیورز کے ذریعے جدید مشینری کی خریداری کی جائے گی، وفاقی ترقیاتی پروگرام کے تحت منصوبے کیلئے فنڈز جاری کیے جائیں گے۔