
چیئرمین پی ٹی آئی عمران خان کے خلاف ٹیلی تھون فنڈز میں کرپشن کے الزام پر ایک اور کیس تیار کرلیا گیا ہے۔
تفصیلات کے مطابق قومی احتساب بیورو(نیب ) نے سابق وزیراعظم عمران خان کے خلاف ٹیلی تھون فنڈز کے غلط استعمال پر کرپشن کا ایک اور کیس تیار کرلیا ہے۔
ذرائع کے مطابق چیئرمین پی ٹی آئی نے اگست 2022 میں ٹیلی تھون کے ذریعے فنڈز اکھٹے کیے تھے، جن کے مبینہ طور پر غلط استعمال کا انکشاف ہوا ہے۔
ٹیلی تھون میں 4ارب32 کروڑ روپے جمع ہوئے، عمران خان پر الزام ہے کہ اس فنڈز میں سے کروڑوں روپے کے گھپلے کیے گئے،نیب راولپنڈی نے کیس کی شکایت کی تصدیق کرکے معاملے کو انکوائری میں بدلنے کی درخواست کی ہے۔
نیب ہیڈکوارٹرز کو انکوائری کی منظوری کی درخواست بھی موصول ہوگئی ہے۔
خیال رہے کہ سابق وزیراعظم عمران خان کو توشہ خانہ کیس میں گرفتار کیا گیا تھا جس میں رہائی ک بعد انہیں سائفر کیس میں جوڈیشل ریمانڈ پر اٹک جیل میں رکھا گیا ہے۔
- Featured Thumbs
- https://www.siasat.pk/data/files/s3/10khanfundraisisncase.jpg