ایشیا کپ کے دوران پاک بھارت کھلاڑیوں کے درماڑن ہونے والی دوستی پر سابقہ بھارتی کھلاڑی سخن پا ہوگئے ۔
تفصلات کے مطابق ایشیا کپ میں پاک بھارت کی ٹیموں کے مابین گزشتہ روز کھیلے جانے والے اہم میچ میں دونوں ٹیموں کے کھلاڑیوں نے آپس میں خوشگوار وقت گزارا۔
کھلاڑیوں کے آپس میں گھلنے ملنے اور ہنسی مذاق کرتے ہوئے کی تصاویر سوشل میڈیا پر وائرل ہوگئی جسے شائقین کرکٹ نے خوب سراہا مگر کچھ انتہا پسند بھارتیوں کو یہ تصاویر ذرا نہیں بھائیں۔
ایسے انتہا پسند ہندوؤں میں سابق بھارتی کھلاڑی گوتم گھمبیر بھی شامل ہیں جنہیں پاک بھارت کرکٹرز کی دوستی پر ناگوار گزری ہے اور انہوں نے اس کا اظہار بھی کردیا ہے۔
بارش کے باعث میچ میں آنے والے تعطل کے دوران بھارتی اسپورٹس چینل سے گفتگو کرتے ہوئے گوتم گھمبیر نے کہا کہ بھارتی ٹیم میدان میں 140 کروڑ بھارتیوں کی نمائندگی کررہی ہے، اسے میچ میں پاکستانی کھلاڑیوں سے دوستی نہیں نبھانی چاہیے، دونوں ٹیموں کے پلیئرز کو جیت کیلئے ایک دوسرے سے لڑنا چاہیے۔
گوتم گھمبیر نے کہا کہ جب آپ قومی ٹیم کا حصہ بن کر میدان میں اترتے ہیں تو اپنی دوستی کوباؤنڈری سے باہر چھوڑ دیں، کھیل کے 6سے7 گھنٹے بعد دوستیاں نبھائیں، فیلڈ پر نہیں، یہاں میدان میں کھلاڑی مخالف کی پیٹھ تھپتھپاتے اور میٹھے جملوں کا تبادلہ کرتے دکھائی دے رہے ہیں، چند سالوں پہلے ایسا نہیں ہوتا تھا۔
انہوں نے اپنی اور سابق پاکستانی وکٹ کیپر کامران اکمل سے دوستی کی مثال دیتے ہوئے کہا کہ ہم اچھےدوست ہیں، ہم نے ایک دوسرے کو اپنےبیٹ دیئے ہیں،مگر فیلڈ پر ہم کبھی دوست نہیں تھے، کھلاڑیوں میں تھوڑی بہت تلخ کلامی ہوجانی چاہیے تاہم یہ کبھی ذاتی نوعیت کی نہیں ہونی چاہیے۔
- Featured Thumbs
- https://www.siasat.pk/data/files/s3/20viratgauktkshhkepaa.jpg
