سینئر صحافی و تجزیہ کار صابر شاکر نے کہا ہے میری کسی سے کوئی ذاتی دشمنی نہیں ہے مگر پاکستان میں میری جان کو شدید خطرہ ہے۔
تفصیلات کے مطابق ہم نیوز کے پروگرام"ہم مہر بخاری کے ساتھ" میں میزبان نے بیرون ملک مقیم صابر شاکر سے ویڈیو لنک کے ذریعے گفتگو کرتے سوال کیا کہ آپ کی جان کو خطرہ ہے جس کی وجہ سے آپ بیرون ملک مقیم ہیں؟
صابر شاکر نے جواب دیتے ہوئے کہا کہ میری کسی سے کوئی دشمنی نہیں ہے مگر میری جان کو شدید خطرہ ہے پاکستان چھوڑنے کی اور کوئی وجہ نہیں ہے مجھے صرف بولنے کی سزاد ی جارہی ہے۔
انہوں نے مزید کہا کہ میری کسی سے کیا دشمنی ہوسکتی ہے، میں تو آج تک کسی چیونٹی سے بھی لڑائی نہیں کی، ایک سال کا عرصہ ہونے والا ہے میں خود بھی ایک کرب کی کیفیت سے گزررہا ہوں۔
صابر شاکر نے کہا کہ ان لوگوں سے پوچھا جانا چاہیے کہ اس کا کوئی فائدہ ہورہا ہے، آپ اپنے لوگوں کو اٹھا اٹھا کر سزائیں دے رہے ہیں، آج بھی دیکھیں صحافیوں پر حملہ ہوا ان کی پٹائی کی گئی، ایک طرف ضمانتیں ہوتی ہیں تو دوسری طرف 32 لوگوں کے خلاف مقدمہ درج ہوجاتا ہے۔
سینئر صحافی نےکہا کہ دہشت گردی کی دفعات ، غداری ، بغاوت، دہشت گردی یہ مقدمے ہم نے ایسے کردیئے ہیں کہ ہم کسی آزاد مملکت میں نہیں بلکہ کسی مقبوضہ وادی میں رہ رہے ہیں۔
- Featured Thumbs
- https://www.siasat.pk/data/files/s3/18sbairshahakirdushmni.jpg
Last edited by a moderator:
