
چیئرمین ایف بی آر عاصم احمد کا کہنا ہے کہ پاکستان کی معاشی صورتِ حال اس وقت بہت نازک ہے،پشاور میں تقریب سے خطاب میں چیئرمین ایف بی آر عاصم احمد نے کہا ٹیکس گیپ کو کم عرصے میں فل کرنے کی کوشش کریں گے، ٹیکس کا ہدف حاصل کریں گے۔
انہوں نے کہا کہ ہمیں آمدنی میں شارٹ فال کا سامنا ہے، ہم کوشش کر رہے ہیں کہ سالانہ ہدف کو حاصل کر سکیں، رواں سال 7.4 ٹریلین کا ہدف مقرر کیا گیا،ایف بی آر نے معیشت کی بحالی کے لیے مختلف اقدامات کیے، ایف بی آر موجودہ دور کے تقاضوں سے مکمل طور پر آگاہ ہے۔
عاصم احمد نے مزید کہا کہ اس سال ورلڈ کسٹمز ڈے کا تھیم ٹیکس گیپ کو ختم کرنا ہے، ٹیکس گیپ کو ختم کرنے کے لیے اقدامات کر رہے ہیں،پہلا سال ہو گا جب ان ڈائریکٹ ٹیکس کے مقابلے میں ڈائریکٹ ٹیکس زیادہ اکٹھا ہو گا۔
https://twitter.com/x/status/1618515331235848192
دوسری جانب فنانشل ٹائمز کے مطابق پاکستان کی معیشت ڈوبنے کے خدشات بڑھ گئے، بجلی کی بندش اور زرمبادلہ کی کمی بڑامسئلہ ہے،کاروبارکرنا مشکل ہوگیا، پاکستان کی بندرگاہوں پر درآمدی اشیا سے بھرے کنٹینر جمع ہیں۔
رپورٹ کے مطابق برآمد کنندگان کو ڈالر حاصل کرنے میں ناکامی، ٹیکسٹائل سمیت مختلف فیکٹریاں خام مال کی کمی،توانائی کے مسائل کی وجہ سے بند ہورہی ہیں،حکام آئی ایم ایف کا پروگرام بحال کرنے کی کوششوں میں ہیں۔
- Featured Thumbs
- https://www.siasat.pk/data/files/s3/fb1i11h1.jpg