پشاور بی آر ٹی منصوبے نے ایک اور عالمی ریکارڈ اپنے نام کرلیا ہے۔
تفصیلات کے مطابق پشاور بی آر ٹی منصوبے کو ایک اور عالمی ادارے نے بہترین کارکردگی کا مظاہرہ کرنے پر عالمی ایوارڈ سے نوازا ہے۔
خیبر پختونخوا کے صوبائی وزیر فیصل امین خان نے مائیکروبلاگنگ ویب سائٹ ٹویٹر پر اس پیش رفت کا اعلان کیا اور کہا کہ پشاور بی آر ٹی نے ٹرانس ٹکٹنگ کی جانب سے " بہترین سمارٹ ٹکٹنگ پروگرام" کا عالمی ایوارڈ اپنے نام کرلیا ہے ۔
انہوں نے کہا کہ ٹرانس پشاور،خیبر پختونخوا حکومت وزیراعلی محمودخان کی قیادت میں بہترین کارکردگی دکھانے پر مبارکباد کے مستحق ہیں۔
فیصل امین خان نے کہا کہ ہمارا مستقبل دیگر شہروں میں بھی پبلک ٹرانسپورٹ کی سہولت میں بہتری لانا ہے۔