پنجاب میں جرائم کے خلاف خفیہ اطلاع دینے کے لیے کرائم اسٹاپر نمبر معارف کروا دیا گیا,ترجمان سیف سٹی کے مطابق شہری لاہور سمیت صوبے بھر سے کرائم اسٹاپر نمبر
033SAFECITY
یعنی 03372332489 پر کال کرکے شکایات درج کروا سکتے ہیں۔ یہ خصوصی نمبر جرائم کی روک تھام کی خفیہ اطلاع دینے کے لیے نمبر متعارف کیا گیا گیا ہے۔
’سیف سٹی کرائم اسٹاپر‘ پر جرائم کی اطلاع کال کر کے اور ویب سائٹ کے ذریعے دی جا سکتی ہے۔ نمبر پر منشیات فروشوں، دہشت گردوں، قحبہ خانہ چلانے والوں کی اطلاع دینے کے ساتھ ساتھ ڈکیتوں، اشتہاری ملزمان و عدالتی مفرور، جعلی مصنوعات بنانے والوں کی اطلاع بھی دی جا سکتی ہے۔
’کرائم سٹاپر‘ نمبر پر جنسی جرائم، جوئے کے اڈے، انسانی اسمگلنگ، ناجائز اسلحہ اور بجلی، گیس، پانی چوری کے حوالے سے بھی اطلاعات فراہم کی جا سکتی ہیں۔ ترجمان کے مطابق کرائم اسٹاپر سروس صرف خفیہ اطلاع دینے کیے لیے متعارف کروائی گئی ہے۔سیف سٹی کرائم اسٹاپر پر کال کرنے والے کا نمبر ظاہر نہیں ہوتا۔
ترجمان کا کہنا ہے کہ سیف سٹی ویب سائٹ
www.psca.gop.pk
پر بھی تصویری یا ویڈیو شواہد کے ساتھ خفیہ معلومات دی جاسکتی ہیں۔ ایمرجنسی کی صورت میں شہری 15 ہی پر رابطہ کریں جب کہ شہری معاشی، معاشرتی، سماجی اور سنگین نوعیت کے جرائم سے متعلق رازداری کے ساتھ اہم معلومات بھجوائیں۔
2023 کے دوران پنجاب میں جرائم کی شرح میں30 فیصد اضافہ ہوا۔ 2022 میں سات لاکھ 18 ہزارجبکہ 2023 میں دس لاکھ 33 ہزار مقدمات درج ہوئے۔
پنجاب میں جرائم کی شرح کم ہونے کے بجائے ہر گزرتے سال کے ساتھ بڑھنے لگی ۔ 2023 کے دوران مجموعی طور پر زیادتی کے 35 سو، ڈکیتی کے 85 ہزار جبکہ چھینا جھپٹی کے 28 ہزار پرچے کاٹے گئے ۔ اب تک 10لاکھ 33ہزار مقدمات درج کرلیے گئے ہیں ۔ جبکہ 2022 میں مقدمات کی تعداد سات لاکھ سے زائد تھی۔ پولیس کے اعلیٰ حکام نے کہا ہے کہ زیادہ مقدمات درج ہونے کا مطلب یہ نہیں کہ جرائم کی شرح میں بھی اضافہ ہوا ۔
اس دوران کئی دہشتگردوں کو انجام تک پہنچایا گیا اور ہزاروں کو گرفتار کیا گیا جن کے قبضے سے بھاری مقدار میں بارودی مواد اسلحہ اور دیگر سامان برآمد ہوا ۔ دوسری طرف صوبہ بھر میں موٹر سائیکل چوری و چھیننے کی ایک لاکھ 16 ہزار وارداتیں ہوئیں اور مجموعی طور پر چوری کے 2 لاکھ واقعات رپورٹ ہوئے ۔ پنجاب میں لوکل اینڈ سپیشل قانون کے تحت ایک لاکھ 62 ہزار اور متفرق کرائم کے ایک لاکھ 81 ہزار مقدمات درج ہوئے۔
- Featured Thumbs
- https://www.siasat.pk/data/files/s3/crimeshs113.jpg
