لاہور پولیس کا کارنامہ،ورلڈ اسنوکر چیمپئن احسن رمضان کو رات گئے اسنوکر کھیلتے ہوئے گرفتار کر لیا... تصاویر سامنے آ گئیں
احسن رمضان نے اپنا تعارف کرایا لیکن پولیس نے ایک نہ سنی اور تھانے لے گئی، جہاں احسن رمضان نے ایک مرتبہ اپنے بارے میں بتایا لیکن پولیس نہ مانی اور موبائل اور بیلٹ لے کر حوالات میں بند کر دیا، قریبی دوست کے تھانے پہنچنے پر ان کو حوالات سے نکالا گیا۔
ورلڈ اور ایشین چیمپئن شپ کا ٹائٹل جیتنے والے احسن رمضان واقعے کی روداد سناتے ہوئے رو پڑے۔
احسن رمضان نے بتایا کہ پولیس اہلکار گالیاں دیتے رہے اور بیلٹ اتروا کر حوالات میں بند کر دیا،پولیس اہلکاروں کو بتایا کہ میں ورلڈ چیمپئن ہوں تو انہوں نے کہا ہمارے اوپر کون سا احسان کیا ہے بند کرو اور غلیظ گالیاں دیں۔۔۔
احسن رمضان نے وزیراعظم اور نگران وزیراعلی سے واقعے کی انکوائری کروانے کا مطالبہ کردیا