پی ٹی آئی رہنما اظہرمشوانی کے گھر پولیس کا چھاپہ، 73 سالہ والد اور بھائی کو گرفتار کرلیا
اپنے ٹوئٹر پیغام میں اظہرمشوانی کا کہنا تھا کہ پچھلے 12 گھنٹے میں ہمارے گھر پر 3 چھاپے مارے گئے۔تیسرے چھاپے میں میرے 73 سالہ ضعیف والد اور کالج پروفیسر بڑے بھائی کو اغوا کر کے لے گئےجن کا کوئی پتہ نہیں
انہوں نے مزید کہا کہ یہ وہی نامعلوم افراد ہیں جنہوں نے رمضان میں 8 دن بغیر کسی وجہ اور جرم کے مجھے اغوا کر کے رکھا
اظہرمشوانی کے مطابق اس وقت تک تحریک انصاف کے درجنوں پرامن احتجاج کرنے والے ورکرز کو سیدھی فائرنگ کر کے شہید کیا جا چکا ہے اور سینکڑوں کارکن گولیاں لگنے سے زخمی ہیں
انکا مزید کہنا تھا کہ ہائی کورٹس کے احکامات کے باوجود عدالتوں کے احاطے سے ہمارے لیڈرز کو اغوا کیا جا رہا ہے لیکن اب تک سپریم کورٹ نے نوٹس تک نہیں لیا
اظہر مشوانی نے لکھا کہ عمران خان کو یونیورسٹی بنانے کے “جرم” میں 8 دن کا جسمانی ریمانڈ دیا گیاملک اس وقت مکمل طور پر مارشل لا میں ہے
اس پر فرخ حبیب کا کہنا تھا کہ اس وقت تمام حدیں پار کرچکے ہے ضعیف والدین اور خاندان کے افراد کو بی نشانہ بنایا جارہا ہے میں انکو کہنا چاہتا ہو یہ ظلم ختم ہوجائے گا لیکن یہ حقیقی آزادی کی جدوجہد ختم نہیں کرسکو گے انشاللہ
