پی آئی اے شدید مالی بحران کا شکار ہے, جس کے باعث روز فلائٹ آپریشن متاثر ہورہاہے, پی آئی اے کا آپریشن مزید محدود ہوگیا، آج کی 58 مقامی اور بین الاقوامی پروازیں منسوخ ہوگئیں، 11 دن میں پی آئی اے کی منسوخ پروازوں کی تعداد 537 ہوگئی۔
منسوخ کی گئی شیڈولڈ پروازوں میں کراچی آنے جانے والے 22 پروازیں شامل ہیں، کراچی اسلام آباد کی تمام 7 پروازیں پی کے 300، 301، 308، 309، 368، 369، 319 منسوخ کی گئی ہیں۔
کراچی لاہور 4 پروازیں پی کے 302 پی کے 303 پی کے 304 پی کے 305 منسوخ کی گئیں، کراچی بہاولپور پی کے 588 پی کے 589، رحیم یار خان پی کے 582 پی کے 583 منسوخ کی گئیںِ کراچی کوئٹہ پی کے 310 پی کے 311، سکھر پی کے 536 پی کے 537 بھی منسوخ کی گئیں، کراچی دبئی پی کے 213، ملتان پی کے 330، دمام کراچی پی کے 242 منسوخ کی گئیں۔
لاہور جدہ پی کے 759، بحرین پی کے 189 پی کے 190، دبئی پی کے 203 منسوخ کی گئیں، لاہور سلالہ پی کے 129 پی کے 130، دمام پی کے 247، پی کے 248 منسوخ کر دی گئیں، سیالکوٹ دبئی پی کے 179، مسقط پی کے 281 پی کے 282 بھی منسوخ کی گئیں، جدہ سیالکوٹ پی کے 746 اور کویت سٹی سیالکوٹ پی کے 240 منسوخ کردی گئیں۔
اسی طرح اسلام آباد گلگت پی کے 601، پی کے 602 پی کے 605 اور پی کے 606 کی پروازیں، اسلام آباد کوئٹہ پی کے 325 پی کے 326، اسکردو پی کے 451 پی کے 452 کی پروازیں، اسلام آباد سکھر پی کے 631 پی کے 632، دبئی پی کے 211 پی کے 212 کی پروازیں، اسلام آباد شارجہ پی کے 181، پی کے 182 ابوظہبی پی کے 261 پی کے 262 کی پروازیں منسوخ کردی گئیں۔
پشاور شارجہ پی کے 257 پی کے 258، ابوظہبی پی کے 217 پی کے 218 کی پروازیں بھی منسوخ کی گئیں، دبئی پشاور پی کے 284 جدہ سے پی کے 736 دبئی ملتان پی کے 222 بھی منسوخ کردی گئیں۔
پی آئی اے مالی بحران کے اثرات تکنیکی امور پر پر بھی اثرانداز ہونے لگے اور قومی ائیرلائن کے 4 بوئنگ 777 طیارے گراونڈ کردیے گئے، پی آئی اے کے 2 عدد 777 طیارے پہلے ہی کئی برس سے گراونڈ ہیں، بی جی ایل اور ڈی ایچ ڈبلیو رجسٹریشن کے حامل طیاروں کی فنڈز نہ ہونے کی وجہ سے مینٹی ننس نہ ہوسکی، مرمت کیلئے فی کس طیارے پر 30 سے 40 ملین ڈالر کی ضرورت ہے,ترجمان پی آئی اے کے مطابق دو طیاروں میں سے ایک C چیک پر ہے اور دوسرے طیارے پر رنگ کیا جارہا ہے۔
پی آئی اے کو اقتصادی رابطہ کمیٹی کی جانب سے 8 ارب روپے کی منظوری کے معاملے میں اہم پیشرفت سامنے آئی,اقتصادی رابطہ کمیٹی نے پاکستان انٹرنیشنل ایئرلائن کے لیے 8 ارب روپے کے فنڈز کی منظوری دے دی جبکہ رقم سول ایوی ایشن اتھارٹی کے ذریعے دی جائے گی۔
ذرائع کے مطابق ای سی سی اجلاس میں پی آئی اے کو ہنگامی حالات سے نمٹنے کے لیے 8 ارب روپے کے فنڈز جاری کرنے کی منظوری دی گئی ہے۔
پی آئی اے کو منظوری کی رقم سول ایوی ایشن اتھارٹی کے ذریعے فراہم کی جائے گی، اس فنڈز سے پی آئی اے اپنے ضروری اخراجات پورے کرسکے گا۔
اجلاس میں پی آئی اے اور سول ایوی ایشن اتھارٹی کے ساتھ دو طرفہ معاہدے پر عمل درآمد کی ہدایت کی گئی,اس حوالے سے ترجمان پی آئی اے کا کہنا ہے کہ آئندہ چند روز میں خطیر رقم کے حصول کے بعد پی آئی اے کے آپریشنز میں بہتری آئے گی۔
قومی ائیرلائن کی جانب سے ترجیحی بنیادوں پر ضروری امور کے لیے رقوم کا استعمال بنایا جائے گا۔
ترجمان کا کہنا ہے کہ فوری طور ایندھن فراہم کرنے والی کمپنی پی ایس او کو گراؤنڈ ہینڈلگ کی مد میں ادائیگیوں کو ممکن بنایا جائے گا، رقم کے ذریعے فوری طور پر قرضہ جات کی ادائیگی بھی کی جائے گی۔
