اے آر وائے نیوز نے براڈکاسٹنگ رائٹس کیلئے سب سے بڑی بولی لگائی جو پچھلے سال کے مقابلے 50 فیصد زائد ہے: ذرائع
پاکستان سپرلیگ کے 9 ویں سیزن اور 10 ویں سیزن کے براڈکاسٹنگ رائٹس کی فنانشل بڈ آج لاہور میں ہوئی جس میں 2 سالہ رائٹس کی بولی کے لیے ساڑھے 7 ارب روپے کی ریزور پرائس رکھی گئی تھی۔ ذرائع کے مطابق پاکستان سپر لیگ کے 9 ویں اور 10 ویں سیزن کے براڈکاسٹنگ رائٹس کی ریزرو پرائس حاصل کرنے میں پاکستان کرکٹ بورڈ (پی سی بی) ناکام ہو گیا ہے۔
پی ایس ایل 9 کے براڈکاسٹنگ رائٹس نجی ٹی وی چینل والی پارٹی کو دینے کا فیصلہ کر لیا گیا ہے۔
ذرائع کے مطابق پاکستان کرکٹ بورڈ کی طرف سے صرف ایسی کمپنیز کو بولی میں شرکت کی اجازت دی گئی تھی جن کے اپنے سپورٹس چینل ہیں یا کسی چینل سے لیٹر لائیں گے۔
براڈکاسٹنگ رائٹس کی بولی میں 4 ٹی وی چینلز نے حصہ لیا تھا لیکن تمام پارٹیاں مطلوبہ ہدف پر پوری نہیں اتر سکیں جس کے بعد پاکستان کرکٹ بورڈ نے براڈکاستنگ رائٹس نجی ٹی وی چینل والی پارٹی کو دینے کا فیصلہ کیا۔
ذرائع کا کہنا ہے کہ براڈکاسٹنگ رائٹس کی خریداری کے لیے نجی ٹی وی چینل جیو نیوز، ہم ٹی وی، پی ٹی وی سپورٹس اور اے آر وائے نیوز نے حصہ لیا تھا۔ اے آر وائے نیوز نے پاکستان سپرلیگ کے 9 ویں اور 10 ویں سیزن کے براڈکاسٹنگ رائٹس کے لیے سب سے بڑی بولی لگائی جو پچھلے سال کے مقابلے میں 50 فیصد زیادہ ہے۔
پاکستان سپرلیگ کی بڈنگ کمیٹی کی طرف سے براڈکاسٹنگ رائٹس کے لیے لگائی گئی بولیوں کو حتمی منظوری کرنے کے لیے مجاز اتھارٹی کو بھیج دیا گیا ہے۔ بڈنگ کمیٹی کی سربراہی جاوید مرتضیٰ کر رہے ہیں اور دیگر کمیٹی اراکین میں ثمین رانا، شایان ندیم، محسن حسن، برکت میمن، صہیب شیخ، نائلہ بھٹی، بابر حمید، حیدر اظہر (فرنچائز ممبر)، علی نقوی (آبزرور) جبکہ شعیب خالد اور سعد اظہر کمیٹی کے سیکرٹری ہیں۔
واضح رہے کہ پاکستان کرکٹ بورڈ کی طرف سے پی ایس ایل 9 کے براڈکاسٹنگ رائٹس کے سابقہ کنٹریکٹ کی ویلیو 2 ارب روپے لگائی گئی تھی جو بعد میں 3.7 ارب روپے کر دی گئی اور بعدازاں 2 سالہ مدت کے لیے 4.3 ارب روپے میں حقوق فروخت ہوئے تھے۔ پی سی بی کی طرف سے ایک غیرملکی کمپنی سے میڈیا رائٹس کی ویلیو لگوائی گئی جو 6 ارب روپے کے قریب تھی۔
- Featured Thumbs
- https://www.siasat.pk/data/files/s3/8pslrightboli.png
