مسلم لیگ ن کے قائد میاں نواز شریف اور پی ڈی ایم کے سربراہ مولانا فضل الرحمان کی عدلیہ کے خلاف اقدامات کی ضد برقرار ہےجس کے بعد حکومت اور اپوزیش کے درمیان مذاکرات میں کسی بریک تھرو کے امکانات کم ہونا شروع ہوگئے ہیں۔
خبررساں ادارےکی رپورٹ کے مطابق قائد مسلم لیگ ن نواز شریف اور سربراہ پی ڈی ایم مولانا فضل الرحمان نے پارلیمنٹ سے عدلیہ کے خلاف اقدامات کی منظوری لینے کی تجویز دی ہے تاہم پی ڈی ایم کے دیگر رہنماؤں نے اس معاملے پر احتیاط سے کام لینے اور درمیانی راستہ اپنانے کا مشورہ دیتے ہیں۔
رپورٹ میں ذرئع کا حوالہ دے کر بتایا گیا ہے کہ ن لیگ کی جانب سے اپنے موقف کی تائید کیلئے اتحادی جماعت پیپلزپارٹی کو منانے کی کوششیں بھی شروع کردی گئی ہیں، تاہم اس حوالے سے حتمی فیصلہ کل تمام اتحادی جماعتوں کے اجلاس میں کیا جائے گا۔
خبررساں ادارے کی رپورٹ میں نام ظاہر کیے بغیر ایک پی ڈی ایم رہنما کا حوالہ دے کر بتایا گیا ہے کہ پی ڈی ایم کی اکثریت اکتوبر سے قبل انتخابات کے حق میں نہیں ہے، تاہم مجھے اکتوبر میں بھی انتخابات ہوتے دکھائی نہیں دے رہے۔
- Featured Thumbs
- https://www.siasat.pk/data/files/s3/2ptipmlnjakakbt.jpg
