اسلام آباد میں خواتین کو کیوں گرفتار کیا گیا؟ اسلام آباد پولیس نے وجہ بتادی
اسلام آباد پولیس کے مطابق اسلام آباد میں دفعہ 144 نافذ العمل ہے۔ مجمع خلاف قانون پر کارروائی عمل میں لائی گئی۔
انہوں نے مزید کہا کہ امن عامہ کے قیام کو یقینی بنانے کےلیے قانون شکن افراد کو گرفتار کیا گیا ہے۔ 3 خواتین مظاہرین کو خواتین پولیس آفیسرز نے حراست میں لیا ۔جنہیں شخصی ضمانت پر رہا کردیا گیا ہے۔
ترجمان اسلام آباد پولیس کامزید کہنا تھا کہ 15 افراد کی گرفتاری عمل میں لائی گئی ہے۔ قانون سب کےلیے برابر ہے ۔ تمام افراد کو بارہا بتایا گیا کہ اسلام آباد میں جلسے/جلوس کی اجازت نہ ہے۔
ترجمان نے مزید کہا کہ متنبہ کرنے کے باوجود قانون کی خلاف ورزی کی گئی جس پر قانون حرکت میں آیا۔ اسلام آباد پولیس قانون کی عملداری کےلیے مصروف عمل ہے۔
واضح رہے کہ گزشتہ روز احتجاج کرنے پر اسلام آباد پولیس نے تحریک انصاف کی تین خواتین اور 15 افرادکو گرفتار کیا تھا جس پر عمران خان نے شدید ردعمل کا اظہار کیا۔
ان کاکہنا تھا کہ ہم عملاً جنگل کے قانون کے شکنجے میں اور ایک بنانا ریپبلک میں تبدیل ہوچکے ہیں۔یہی وجہ ہے کہ میں اپنے لوگوں سے اپیل کرتا آیا ہوں کہ جب تک ہم سب قانون کی حکمرانی کیلئے کھڑےنہیں ہوتے، ایک خوشحال اور جمہوری پاکستان کا کوئی مستقبل نہیں۔
- Featured Thumbs
- https://www.siasat.pk/data/files/s3/isbaoashass.jpg
