پاکستان مسلم لیگ ن کی چیف آرگنائزر مریم نواز شریف نے دعویٰ کیا ہے کہ پی ٹی آئی کے اراکین ن لیگ میں شمولیت کیلئےمنتیں کررہے ہیں۔
اسلام آباد میں پارٹی کے تنظیمی اجلاس سے خطاب کرتے ہوئے مسلم لیگ ن کی سینئر نائب صدر مریم نواز شریف نے عمران خان کو تنقید کا نشانہ بناتے ہوئے کہا کہ عمران خان کے خلاف سیاسی بنیادوں پر مقدمات قائم نہیں کیے گئے، مشرق سے مغرب تک سب ان کے ٹیریان کے معاملے پر بولے گئے جھوٹ سے واقف ہیں، یہ وہ جھوٹ ہے جو اب عمران خان سے نا نگلا جارہا ہے اور نا ہی اگلا جارہا ہے۔
انہوں نے مزید کہا کہ عمران خان فارن فنڈنگ میں بھی مجرم ثابت ہوچکا ہے ، انہوں نے توشہ خانہ میں ڈکیتیاں کی ہیں، ان کی جماعت کے لوگ ن لیگ میں آنے کیلئے منتیں کررہے ہیں۔
حالیہ مہنگائی کے حوالے سے بات کرتے ہوئے مریم نواز شریف کا کہنا تھا کہ اس مہنگائی کی ذمہ دار موجودہ حکومت نہیں ہے، یہ مہنگائی اور معاشی تباہی سابق حکومت لائی ہے عوام اس سے اچھی طرح واقف ہیں، اب ان چار سالوں کی تباہی سے نجات دلانے میں چند سال تو لگیں گے ہی۔
ہمیں ماضی میں ہمیشہ برے حالات میں ملک ملا مگر نوا زشریف اور شہباز شریف نے ہمیشہ ڈیلیور کیا، اب بھی ملک کو مسائل سے نکالیں گے، نوا ز شریف آئے گا تو سب حالات ٹھیک ہوجائیں گے۔
