نجی ٹی وی چینل آج نیوز کے پروگرام میں نگران وزیر اطلاعات پنجاب عامر میر سے تحریک انصاف کے کارکنوں کی گرفتار بارے سوال پر وہ آج نیوز پر برہم ہو گئے اور پروگرام اینکر کے سوال کا جواب دینے کے بجائے ان سے ہی سوالات پوچھنے لگے۔
پاکستان تحریک انصاف کی طرف سے آج پنجاب میں ہونے والے عام انتخابات کے نتائج پر دھاندلی کے الزامات پر احتجاجی مظاہروں کا اعلان کیا گیا تھا اور آج احتجاج کے موقع پر پی ٹی آئی رہنمائوں کے ساتھ ساتھ پارٹی کارکنوں اور خواتین مظاہرین کو گرفتار کر لیا۔
پاکستان تحریک انصاف کے احتجاج میں شامل مظاہرین کو گرفتار کرنے بارے آج نیوز کی طرف سے نگران وزیر اطلاعات عامر میر سے موقف لینے کیلئے رابطہ کیا گیا تو وہ برہم ہو گئے۔ عامر میر نے پروگرام اینکر کو جواب دیتے ہوئے کہا ہو سکتا ہے کہ مظاہرین کی طرف سے قانون کی خلاف ورزی کی گئی ہو جس کے بعد پولیس نے انہیں گرفتار کر لیا ہو۔
پروگرام کے میزبان نے عامر میر سے سوال پوچھا کہ تحریک انصاف کے احتجاج میں امن وامان کی صورتحال خراب ہونے یا کسی قسم کے توڑ پھوڑ کی خبر سامنے نہیں آئی جبکہ یہ بھی دیکھیں کہ دوسری سیاسی جماعتوں کی طرف سے کیے جانے والے احتجاجی مظاہروں میں کسی قسم کی گرفتاری رپورٹ ہوئی ہے نہ ہی انہیں احتجاج کرنے سے روکا گیا ہے۔
نگران وزیر اطلاعات عامر میں پروگرام میزبان کے یہ سوال کرنے پر برہم ہو گئے اور سوال کا جواب دینے کے بجائے سوال پوچھا اور اس کے بعد فون ہی بند کر دیا۔ پاکستان تحریک انصاف کی طرف سے لاہور میں احتجاجی مظاہرے کرنے کا سلسلہ جاری ہے تاہم پولیس نے دفعہ 144 کی خلاف ورزی کرنے پر سینئر قانون دان سلمان اکرم راجہ سمیت پی ٹی آئی کی خواتین کارکنوں کو گرفتار کر لیا۔
واضح رہے کہ نگراں وزیر اطلاعات پنجاب عامر میر نے قبل ازیں سلمان اکرم راجا کی گرفتاری اور رہائی سے متعلق موقف میں میڈیا سے گفتگو میں کہا کہ سلمان اکرم راجا سمیت چند شر پسند عناصر نے سڑکیں بلاک کرنے اور قانون ہاتھ میں لینے کی کوشش کی جس پر سلمان اکرم راجا سمیت چند شر پسند عناصر کو حراست میں لینے کے بعد رہا کردیا گیا ہے۔
- Featured Thumbs
- https://www.siasat.pk/data/files/s3/8amirkjskjdjhjgjghsghsgs.png
۔
