مسلم لیگ ن کے قائد میاں نواز شریف نے کہا ہے کہ ایک دو سال مشکل ضرور ہیں مگر اچھا وقت بھی ضرور آئے گا۔
تفصیلات کے مطابق سابق وزیراعظم میاں نواز شریف اور وزیراعلیٰ پنجاب مریم نواز شریف سے فیصل آباد ڈویژن کے ارکان قومی وصوبائی اسمبلی سے ملاقات کی، اس موقع پر ارکان اسمبلی نے اپنے اپنے حلقے کے مسائل اور عوامی ضروریات کے حوالے سے وزیراعلیٰ پنجاب کو آگاہ کیا۔
اس موقع پر مریم نواز شریف کا کہنا تھا کہ فیصل آباد میں ڈور پھرنے والا واقعہ بہت تکلیف دہ تھا، اس بچے کے ساتھ بہت ظلم ہوا، اس واقعہ کو نظر انداز نہیں کیا جاسکتا۔
ملاقات میں میاں نواز شریف نے خطاب کرتے ہوئے کہا کہ مسلم لیگ ن کو اپنی سیاسی میراث حاصل کرنی ہے، ہماری حکومت کو ہٹایا نا جاتا تو پاکستان اس وقت ترقی کی بلندیوں پر ہوتا، ملک پر ناجائز قبضہ کرنے والوں نے جو کچھ کیا وہ سب نے دیکھا، صرف ن لیگ نہیں پاکستان کے ساتھ بھی زیادتی ہوئی۔
انہوں نے مزید کہا کہ سیاستدانوں، انتظامیہ اور پولیس سمیت سب کو مل کر ملک کو مشکل سے نکالنا ہوگا، مل ملک کیلئے کام کریں، ایک دو سال مشکل سہی، آسودگی کا وقت ضرور آئے گا، پتنگ کی ڈورل سے ایک نوجوان کی موت پر بہت دکھ ہوا، ایسا اندوہناک واقعہ نا پہلے دیکھا نا سنا۔
