درآمدات کے لئےڈالر کی عدم دستیابی کے باعث انڈسٹری کی مشکلات میں اضافہ رکنے کا نام نہیں لے رہا۔۔
دی نیوز کے رپورٹ کے مطابق ڈالر کی عدم دستیابی کے باعث خام مال نہ ہونے اور سیل کم ہونے کے باعث بلوچستان ویل لمٹیڈ اور ستارہ پروکسائیڈ لمیٹڈ نے اپنے اپنے پلانٹس کی بندش کا اعلان کیا ہے ۔
پاکستان سٹاک ایکسچینج کو بھیجے گئے نوٹس میں بلوچستان ویل نے موقف اختیار کیا کہ آٹو مینوفیکچرز کی پروڈکشن میں نمایاں کمی سے ان کی سیل بھی بہت گر گئی ہے جس کی وجہ سے کمپنی نے 18 اگست سے 31اگست تک پرو ڈکشن روکنے کا فیصلہ کیا ہے۔
خیال رہے کہ بلوچستان ویل چھوٹی بڑی گاڑیوں ،ٹرک،بسوں کاروں اور ٹریکٹرز وغیرہ کے اسٹیل ویل بناتی ہے ،کاروں،بسوں وغیرہ کی فروخت میں نمایاں کمی کے باعث ان کی سیل بھی بہت کم ہوئی ہے جس سے یہ پروڈکشن بند کرنے پر مجبور ہوئے ہیں،
دوسری جانب ستارہ پروکسائیڈ لمیٹڈ جوکہ کیمیکلز تیار کرنے کا ایک بڑا کارخانہ ہے ان کا موقف ہے کہ خام مال کی قلت کے باعث 16 اگست سے 3 ہفتے کے لئےپلانٹ کی بندش کی جا رہی ہے ۔
اسی کمپنی کمپنی نے گذشتہ ماہ بھی 2ہفتے کے لئے پلانٹ بند رکھا تھا ۔
واضح رہے کہ ڈالرز کی کمی اور عدم دستیابی کے باعث پاکستان میں کئی صنعتی یونٹس بند ہوچکے ہیں جبکہ سب سے بڑا دھچکا ٹیکسٹائل سیکٹر، کارمینوفیکچرنگ کمپنیز اور موبائل مینوفیکچر کمپنیز کو لگا ہے۔
