اے آروائی نیوز کے دو شوز میں متعتصبانہ ریمارکس اعجاز احمد نے پٹھان کھلاڑیوں سے متعلق ریمارکس پاس کئے تو کامران اکمل بھی سکھ کھلاڑیوں کا مذاق اڑانے پر اتر آئے,کامران اکمل انڈین سکھ کھلاڑی ہرشدیپ سنگھ کا 12 بجے کا حوالہ دیکر مذاق اڑاتے رہے
انہوں نے کہا کہ پاکستان انڈیا کے خلاف آخری اوور ہرشدیپ سنگھ نے کرنا ہے، اسکا ویسا ردھم نہیں لگا، لگ بھی سکتا ہے،پھر آپکو پتہ ہے کہ پاجی 12 بج گئے ہیں۔اس کے ساتھ ہی کامران اکمل ہنس دیے۔
جبکہ کامران کی جانب سے 12 بج گئے کو دوبارہ دہرایا گیا، ساتھ ہی ایک اور مہمان کی جانب سے کہا گیا کہ کسی سکھ کو اوور نہیں دینا چاہیے۔
لیکن اب بھارتی سابق بالر ہربھجن سنگھ کی جانب سے بھی شدید ردعم دیا گیا ہے، اور ساتھ ہی انہیں لعنت بھی دی گئی ہے۔
ہربھجن سنگھ کا کہنا تھا کہ ’لکھ دی لعنت تیرے کامران اکمل‘۔ تمہیں کچھ بھی بولنے سے پہلے سکھوں کی تاریخ کا علم ہونا چاہیے۔
ہربھجن کا دعویٰ کرتے ہوئے مزید کہنا تھا کہ ہم سکھوں نے تمہاری ماں بہنوں کو بچایا جب انہیں اغوا کیا جا رہا تھا۔ ساتھ ہی ہربھجن کا کہنا تھا کہ تمہیں شرم آنی چاہیے۔
پاکستانی سکھ صحافی ہرمیت سنگھ کی جانب سے بھی سخت ردعمل سامنے آگیا,انہوں نے لکھا کہ اے آر وائی نیوز کے ایک پروگرام میں پٹھان کھلاڑیوں پر بات ہورہی ہے اور دوسرے پروگرام میں سکھ کھلاڑیوں پر، ایسے گھٹیا کمینٹس کرنا اور پھر اس پر قہقہے لگانا انتہائی درجے کی اخلاقی گراوٹ ہے۔ مذہب اور زبان کی بنیاد پر نہیں بلکہ کارکردگی کی بنیاد پر کرکٹرز پر تنقید کی جائے۔ کامران اکمل کو شرم آنی چاہیے۔
سابق پاکستانی کرکٹر کامران اکمل سمیت پاکستانی ماہرین کے بھارتی کھلاڑی ارشدیپ سنگھ کے خلاف پاکستان بمقابلہ انڈیا میچ کو کور کرتے ہوئے نفرت انگیز اور افسوسناک بیانات کیونکہ وہ سکھ ہیں۔
بعدازاں کامران اکمل نے اپنے اس بیان پر معافی مانگ لی۔
یادرہے کہ سکھوں کے بارے میں بھارت میں کچھ سکھ مخالفوں اور سکھوں سے نفرت کرنیوالوں نے یہ بات پھیلائی تھی کہ جیسے ہی12 بجتے ہیں تو انکا دماغ گھوم جاتا ہے اور وہ دارو(شراب) پی کر غل غپاڑہ کرتے ہیں۔۔
اس حوالے سے اندراگاندھی اور بھٹو سے منسوب ایک لطیفہ بھی پیش کیا جاتا ہے جس کی صداقت پرسوالات ہیں۔
- Featured Thumbs
- https://www.siasat.pk/data/files/s3/kama11h1i211.jpg
