ملک بھر میں سٹریٹ کرائمز کے ساتھ ساتھ ڈکیتی کی وارداتوں میں اضافہ ہوتا جا رہا ہے اور ڈاکو اتنے دیدہ دلیر ہو چکے ہیں کہ اب سکیورٹی اداروں کی وردیاں بھی استعمال کرنے لگے ہیں۔
ذرائع کے مطابق گزشتہ روز صوبائی دارالحکومت کراچی کے علاقے گلشن اقبال 13 میں واقع ایک پکوان سینٹر میں رینجرز یونیفارم پہنے ہوئے ملزموں کے لوٹ مارنے کرنے کا واقعہ سامنے آیا ہے۔ پکوان سینٹر پر لوٹ مار کے واقعے کا مقدمہ گلشن اقبال تھانے میں درج کر لیا گیا ہے۔
پکوان سینٹر کے مالک کی مدعیت میں درج کی گئی ایف آر میں اس کا کہنا تھا کہ 2 موٹرسائیکل سوار مسلح ملزمان ان کی دکان پر آئے جن میں سے ایک شخص نے رینجرز کی وردی پہن رکھی تھی۔ پکوان سینٹر میں داخل ہونے کے بعد ملزمان نے دکان پر موجود لوگوں پر اسلحہ تان لیا اور لوٹ مار شروع کر دی۔
مذکورہ واقعے کی سی سی ٹی وی فوٹیج بھی سامنے آگئی ہے جو سوشل میڈیا پر وائرل ہو رہی ہے جس میں رینجرز یونیفارم پہنے ایک شخص کو پکوان سینٹر میں داخل ہوتے اور اسلحہ دکھا کر وہاں موجود شہریوں سے ان کی قیمتی چیزیں چھینتے ہوئے دیکھا جا سکتا ہے۔ ایس ایس پی ایسٹ ڈاکٹر فرخ رضانے ایس پی گلشن اقبال علیم بلو واقعے کی تحقیقات کرنے اور ملزمان کو جلد گرفتار کرنے کا حکم جاری کیا ہے۔
پکوان سینٹر کے مالک کا کہنا تھا کہ دکان میں اس کے پاس ایک بیگ میں 17 سے 18 لاکھ روپے نقدی موجود تھی، رینجرز یونیفارم پہنا ہوا شخص اسے ڈکیتی کرنے کے بعد باہر لے گیا اور اپنے ساتھ گاڑی میں بٹھا لیا جہاں سول کپڑوں میں 2 افراد پہلے سے موجود تھے۔ ملزمان اسے کچھ دیر تک مختلف سڑکوں پر گھمانے کے بعد سرجانی ٹائون میں چھوڑ کر فرار ہو گئے اور موبائل فون بھی چھین لیا، پولیس حکام کے مطابق واقعے میں کوئی قریبی شخص ملوث ہونے کا شبہ ہے۔
- Featured Thumbs
- https://www.siasat.pk/data/files/s3/rangermulzamananjsh.png
