کراچی میں پولیس کے ہاتھوں مختصر وقت کے لئے اغوا برائے تاوان کی وارداتیں بڑھنے لگیں، شارٹ ٹرم کڈنیپنگ کی ایک اور واردات سامنے آگئی۔
تفصیلات کے مطابق نیو کراچی سے اغوا ہونے والا 17 سالہ نوجوان اسد تھانہ سرجانی ٹاؤن کی چھت سے بازیاب ہوا، اسد کو نامعلوم سادہ لباس افراد گھر سے اغوا کر کے لے گئے اور مغوی کی والدہ کو اغواکاروں کی جانب سے فون کرکے ایک لاکھ روپے تاوان کے ساتھ سرجانی ٹاؤن تھانے بلایا گیا لیکن جب وہ وہاں پہنچیں تو لاک اپ میں ان کا بیٹا نہیں تھا۔
مغوی اسد کو وہاں موجود نہ پا کر خاتون اپنے بیٹے کے متعلق پولیس اہلکاروں سے بات کر رہی تھیں جب انہیں اغوا کاروں کی کال آئی،٫جس ایس ایچ او تھانہ سرجانی ٹاؤن نے اغوا کاروں سے رکشہ ڈرائیور بن کر بات کی تو انہوں نے تھانہ سرجانی ٹاؤن کی چھت پہ بلایا، جب ایس ایچ او تھانے کی پہلی منزل پر پہنچے تو مغوی اسد وہاں موجود تھا۔
پولیس کا کہنا ہے کہ مغوی اسد کو بازیاب کروا کے والدہ کے حوالے کر دیا گیا ہے جبکہ اغوا میں ملوث شعبہ تفتیش کے سب انسپکٹر افضل سمیت 4 افراد کو گرفتار کرلیا ہے، سب انسپکٹر کے علاوہ تینوں افراد پولیس اہلکار نہیں بلکہ سب انسپکٹر افضل کے لیے کام کرتے تھے۔
پولیس کے مطابق واقعہ کی تحقیقات سمیت تھانے میں غیر متعلقہ افراد کی موجودگی کی بھی تفتیش جاری ہے۔
واضح رہے کہ ایک روز قبل پولیس نے ڈائریکٹر جنرل ایکسائز اینڈ ٹیکسیشن کے دفتر پر چھاپہ مار کر تاوان کے لیے اغوا کیا گیا شخص بازیاب کروایا تھا۔
- Featured Thumbs
- https://i.ibb.co/C1vBsxt/14.jpg
