ورلڈ کپ کی تاریخ میں پہلی بار سری لنکن بیٹسمین ٹائم آؤٹ ہوگئے ہیں، بنگلہ دیشی باؤلر کی جانب سے سری لنکن کھلاڑی کو آؤٹ قرار دینے کے مطالبے پر سوشل میڈیا صارفین برس پڑے ہیں۔
تفصیلات کے مطابق ورلڈ کپ کی تاریخ میں پہلی بار سری لنکن کھلاڑی کو بروقت کریز پر نا پہنچنے پر آؤٹ قرار دیدیا گیا ہے، اینجلو میتھیوز جب میدان میں آئے تو ان کے ہیلمٹ میں کسی خرابی کی وجہ سے انہوں نے کریز پر پہنچنے میں کچھ وقت لگایا، دوسرا ہیلمٹ ملنے پر جیسے ہی وہ کریز پر پہنچے تو ایمپائر نے انہیں آؤٹ قرار دیدیا۔
اینجلیو میتھیوز کو ٹائم آؤٹ قرار دینے کیلئے بنگلہ دیشی باؤلر شاقب الحسن نے ایمپائر سے مطالبہ کیا اور اینجلو میتھیوز کو میدان سے باہر جانے کیلئے اشارہ بھی کیا جس پر سوشل میڈیا صارفین کی جانب سے شدید غصے کا اظہار کیا جارہا ہے۔
بھارتی سوشل میڈیا ایکٹیوسٹ پرناو پرتاب سنگھ نے کہا کہ کیا شاقب الحسن کو یہ احساس ہے کہ وہ ایک عظیم کھلاڑی بن سکتے تھے، انجیلو میتھیوز سے معذرت کرتے ہیں۔
عثمان خواجہ نے بھی اس آؤٹ پر تنقید کی۔
اسپورٹس جرنلسٹ فرید خان نے کہا ہے کہ انجلیو میتھیوز آج کے میچ میں شدید غصہ ہوگئے ہیں، اب وہ نیوزی لینڈ کے خلاف میچ میں بدلہ لیں گے اور اس سے پاکستان کی مدد ہوگی۔
بھارتی صارف جونز نے بنگلہ دیشیوں کو منافق قرار دیتے ہوئے کہا کہ ہرمن پریت کور کے جذبات لے کر کھیلنے والی بنگلہ دیشی ٹیم نے ہیلمٹ کےمعاملے پر اینجلو میتھیوز کو آؤٹ قرار دلوادیا۔
ایک اور بھارتی صارف نے سری لنکن کپتان کی جانب سے اینجلو میتھیوز کے آؤٹ کو افسوسناک قرار دینے کا بیان شیئر کیا۔
انہوں نے مزید کہا میتھیوز نے شاقب الحسن کو سمجھانے کی کوشش کی کہ انہیں ہیلمٹ کی وجہ سے دیر ہوئی مگر شاقب الحسن نے ان کی بات نہیں سنی اور اپنی اپیل واپس نہیں لی۔
کرکٹ کی خبریں نشر کرنے والےٹویٹر ہینڈل کی جانب سے بنگلہ دیشی رویے کو اسپورٹس مین اسپرٹ کے خلاف قرار دیا گیا۔
اسپورٹس جرنلسٹ حمزہ شاہ نے کہا کہ یہ بنگلہ دیشی ٹیم نے کیا کیا ہے؟ یہ ایک نیچ حرکت تھی۔
ہارون نے کہا کہ اس رویے کے بعد بنگلہ دیش کو آج کا میچ نہیں جیتنا چاہیے۔
انہوں نے مزید کہا کہ ایک سابق کپتان، سینئر کھلاڑی ہونے کی حیثیت سے انجیلو میتھیوز کے ساتھ ایسا برتاؤ نہیں ہونا چاہیے تھا،ایسی چھوٹی چھوٹی باتوں کو نظر انداز کیا جانا چاہیے۔
حذیفہ نے کہا کہ اینجلو میتھیوز نے شاقب الحسن کو سمجھانے کی بہت کوشش کی مگر شاقب نے اپنی اپیل واپس نہیں لی، شاقب کرکٹ پر ایک دھبے کی طرح ہیں۔