کوئٹہ کے باہمت بزرگ شہری نے ناممکن کو ممکن کردکھایا، کوئٹہ کے علاقے مری آباد کے رہائشی بزرگ شہری علی یاور نے ساڑھے 3 سال کی کڑی محنت سے پہاڑ کاٹ کر 3 کلو میٹر سے زائد کا جاگنگ ٹریک بنا ڈالا۔
باہمت بزرگ شہری علی یاور نے کہا واک کے لیے آنے والے لوگوں کی مشکلات دیکھ کر کام شروع کیا،ساڑھے 3 سال کے دوران کئی بار کام کے دوران ہاتھوں سے خون نکلا، چھالے بھی پڑے لیکن ہمت نہیں ہاری اور کام جاری رکھا۔
علی یاور نے کہا لوگ ادھر واک کے لیے آتے تھے لیکن راستہ نہیں تھا، میں لوگوں کو دیکھتا تھا تو بہت تکلیف ہوتی تھی، پھر میں نے سوچا کہ راستہ بناؤں لوگ دعائیں دیں گے، پہلے نیچے کا راستہ بنایا، اس کی تکمیل کے بعد پہاڑوں کے دامن میں کام شروع کیا اور وہاں بھی 3 کلو میٹر یا اس سے تھوڑا زیادہ راستہ بنا لیا۔
بزرگ شہری کا کہنا تھا مشکلات تو بہت تھیں، بعض اوقات میں پتھر کو چھوڑ دیتا تھا کیونکہ میرے ہاتھوں سے خون بہہ رہا ہوتا تھا، روتا تھا اور اللہ سے دعا کرتا تھا کہ وہ مجھے توفیق دے کہ میں راستہ بنا سکوں،کوئٹہ کا یہ باہمت اور بلند حوصلہ شہری علی یاور پیراں سالی کی وجہ سے بے روزگار ہے تاہم اس کا جذبہ دیکھ کر لگتا یہی ہے کہ اس کی جوانی لوٹ آئی ہے۔
- Featured Thumbs
- https://www.siasat.pk/data/files/s3/23quettaoldmantrack.jpg
