پی ٹی آئی کے رہنما اور سابق وفاقی وزیر اسد عمر نے کہا ہے کہ عمران خان کے ساتھ اگر کوئی ناخوشگوار واقعہ پیش آیا تو اس کی ذمے دار حکومت ہوگی۔
سماجی رابطے کی ویب سائٹ ٹوئٹر پر اپنے جای کردہ ٹوئٹ میں پی ٹی آئی رہنما اسد عمر نے لکھا کہ وزارت داخلہ کا کہنا ہے کہ عمران خان کے تحفظ کے لیے اضافے کی ضرورت ہے لیکن سابق وزیراعظم کو تحفظ فراہم کرنے کے لیے کوئی قدم نہیں اٹھایا گیا۔
انہوں نے مزید کہا کہ اب وزیرداخلہ عمران خان کے خلاف اشتعال انگیز بیان جاری کر رہے ہیں۔ اگر کوئی ناخوشگوار واقعہ پیش آیا تو اس کی مکمل ذمہ دار حکومت ہوگی اور قوم معاف نہیں کرے گی۔
یاد رہے کہ وزیر داخلہ رانا ثنااللہ نے ایک نجی چینل کے پروگرام میں کہا کہ وہ عمران خان کا قلع قمع کرنا چاہتے ہیں اور اداروں کی بھی یہی خواہش ہے۔