کون کون سی ویب ایکسٹینشنز سے آپ کا ڈیٹا ہیک ہوسکتا ہے؟

نیشنل ٹیلی کام اینڈ انفارمیشن ٹیکنالوجی سیکیورٹی بورڈ نے خبردار کیا ہے کہ ہیکرز پاکستانی شہریوں کی ذاتی معلومات چرانے کے لیے 16 مخصوص براؤزر ایکسٹینشنز کو استعمال کر رہے ہیں۔ ایجنسی نے عوام کو ان ایکسٹینشنز سے ہوشیار رہنے کی ہدایت دی ہے تاکہ ان کے ڈیٹا کی حفاظت ممکن ہو سکے۔

ہیکرز کے طریقے اور ایڈوائزری
سیکیورٹی ایجنسی کے مطابق ہیکرز جدید فشنگ تکنیکس کا سہارا لے کر جعلی ای میلز بھیج رہے ہیں، جن کا مقصد مقبول براؤزر ایکسٹینشنز کے تخلیق کاروں کو دھوکہ دینا ہے۔ یہ دھوکہ دہی والے کوڈ ان ایکسٹینشنز کے ذریعے صارفین کی ذاتی معلومات تک رسائی حاصل کرنے کے لیے استعمال ہوتے ہیں۔

نشانہ بننے والی ایکسٹینشنز
ہیکرز جن 16 براؤزر ایکسٹینشنز کا استعمال کر رہے ہیں، ان میں شامل ہیں​

1. AI Assistant – ChatGPT and Gemini for Chrome
2. Bard AI Chat Extension
3. GPT 4 Summary with OpenAI
4. Search CoPilot AI Assistant for Chrome
5. Wayin AI
6. VPNCity
7. Internet VPN
8. Vidniz Flex Video Recorder
9. VidHelper Video Downloader
10. Bookmark Favicon Changer
11. UVoice
12. Reader Mode
13. Parrot Talks
14. Primus
15. Trackker – Online Keylogger Tool
16. AI Shop Buddy

محفوظ رہنے کے لیے تجاویز
نیشنل ٹیلی کام اینڈ انفارمیشن ٹیکنالوجی سیکیورٹی بورڈ نے اپنی ایڈوائزری میں صارفین کو درج ذیل احتیاطی تدابیر اپنانے کی ہدایت کی ہے:
ان مشکوک ایکسٹینشنز سے گریز کریں اور صرف معروف اور قابل اعتماد ایکسٹینشنز کا استعمال کریں۔
انسٹال کرنے سے پہلے درجہ بندی اور جائزے چیک کریں۔
غیر ضروری اجازت نامے محدود کریں۔
ایکسٹینشنز کو باقاعدگی سے اپ ڈیٹ کریں۔
غیر استعمال شدہ ایکسٹینشنز فوری طور پر ہٹا دیں۔
معروف اور لائسنس یافتہ اینٹی وائرس سافٹ ویئر انسٹال کریں۔
مفت ایکسٹینشنز سے محتاط رہیں۔
اپنے کمپیوٹر کی سرگرمی اور ڈیٹا کے استعمال پر نظر رکھیں تاکہ کسی بھی غیر معمولی حرکت کو فوری نوٹس کیا جا سکے۔

یہ ایڈوائزری تمام صارفین کو خبردار کرتی ہے کہ ڈیجیٹل دنیا میں اپنی حفاظت کو یقینی بنانے کے لیے سیکیورٹی کے یہ اقدامات ضروری ہیں، خاص طور پر ان لوگوں کے لیے جو اے آئی اور چیٹ بوٹس کا استعمال کرتے ہیں۔​