سابق رکن صوبائی اسمبلی شہریار شر کی گاڑی پر کچے کے علاقے میں ڈاکوؤں نے حملہ کردیا ہے، حملے میں سابق ایم پی اے کےایک ساتھی جاں بحق جبکہ ایک زخمی ہیں۔
تفصیلات کے مطابق گھوٹکی رونتی کے کچے کے علاقے میں سابق رکن صوبائی اسمبلی شہریار شرکی گاڑی پر ڈاکوؤں نے حملہ کردیا، ڈاکوؤں کی جانب سےشدید فائرنگ کے نتیجے میں شہریار شر کا ساتھی علی محمد جاں بحق جبکہ ایک شخص شدید زخمی ہوگیا۔
ذرائع کا کہنا ہے کہ فائرنگ کے نتیجے میں شہریار شر معجزانہ طور پر بچ گئے تاہم شہریار شر کے بیٹے نے پولیس سے مدد کی اپیل کرتے ہوئے کہا ہے کہ میرے والد ابھی کچے کے علاقے میں ہیں ، پولیس انہیں نکالنے کی مدد کرے۔
واقعہ کی اطلاع ملتے ہی گھوٹکی کے ایس ایس پی حفیظ الرحمان بگٹی بھاری نفری کے ساتھ کچے کے علاقے میں پہنچ گئے ہیں تاہم پولیس اور ڈاکوؤں کے درمیان صورتحال تاحال کشیدہ ہے۔
- Featured Thumbs
- https://www.siasat.pk/data/files/s3/kacha.jpg
Last edited:
