نامور اداکارہ سجل علی کو ان کی سالگرہ کا کیک میک اپ آرٹسٹ عدنان انصاری کے ساتھ کاٹنے پر ان کے مداح برہم ہوگئے, ویڈیو وائرل ہونے پر تنقید کا نشانہ بنایا جارہاہے۔
سجل علی نے گزشتہ ہفتے اپنی سالگرہ کے موقع پر میک اپ آرٹسٹ عدنان انصاری نے کیک کا اہتمام کیا اور کیک کاٹنے کی ویڈیو کو انہوں نے سوشل میڈیا پر شیئر کیا۔
سوشل میڈیا پر ویڈیو شیئر نگ کے بعد صارفین نے نہ صرف میک اپ آرٹسٹ بلکہ اداکارہ پر بھی تنقید کی, صارفین نے کہا وہ کیوں کسی غیر محرم مرد کا ہاتھ تھام کر کیک کاٹ رہی ہیں اور غیر محرم مرد نے کیوں اداکارہ کے سر کو چوما؟
صارفین نے سجل علی کے عمل کو غلط قرار دیتے ہوئے توبہ اور استغفار کے کمنٹس بھی کیے جب کہ انہیں غیر محرم مرد کے انتہائی قریب ہوکر کیک کاٹنے پر تنقید کی۔
کچھ صارفین نے ان کے انداز کو مغربی کلچر کا حصہ قرار دیا اور کہا کہ ان جیسے ہی لوگ پاکستان میں مغربی کلچر کو پروان چڑھا رہے ہیں۔
بعض مداحوں نے سجل علی کے ایک بار پھر شوہر کی غیر موجودگی کا سوال بھی کیا اور ان کے عمل کو نامناسب قرار دیتے ہوئے انہیں شرم دلانے کی کوشش بھی کی۔
سجل علی کے چاہنے والے میدان میں آئے اور ان کی تعریف کرتے ہوئے ان کی حمایت بھی کی اور انہیں تجویز دی کہ وہ لوگوں کے منفی کمنٹس پر توجہ نہ دیں۔
دوسری جانب سجل علی کی اداکار وہاج علی کیساتھ رومانوی تصویر کے چرچے عام ہیں,سجل علی نے اداکار وہاج کیساتھ اپنی تصویر جاری کر کے مداحوں کو تجسس میں ڈال دیا, اس تصویر کے کیپشن میں انہوں نے وہاج ولی کو تیگ کرنے کے ساتھ ساتھ ہیش ٹیگ ’کمنگ سون‘ بھی لکھا.
صارفین نے پوسٹ پر کہا آخر کار ہدایت کاروں کو مصنفین نے ہماری سن ہی لی اور ہمارے دونوں پسندیدہ اسٹارز کو ایک ساتھ کاسٹ کرلیا گیا ہے۔
