ملئے اس کم عمر ڈرائیور سے جو ڈیفنس میں ایک ہی خاندان کے 6افراد کی موت کی وجہ بنا۔ملزم 8 ویں جماعت کا طالب ہے اور اس روز اپنے دوستوں کیساتھ میکڈونلڈ کھانا کھانے جارہا تھا۔
گرفتار کم عمر ڈرائیور کے مطابق وہ 8ویں جماعت میں زیر تعلیم افنان کا کہنا ہے کہ اپنے تین چار دوستوں کے ساتھ میکڈونلڈ کھانا کھانے جا رہا تھا، گاڑی کی اسپیڈ 110کے قریب تھی کہ اچانک گاڑی سامنے آگئی اور حادثہ ہوگیا۔
گرفتار کم عمر ملزم افنان کا کہنا تھا کہ اس نے ڈرائیونگ اپنے کزنز سے سیکھی ہے، میرے والد نے مجھے گاڑی لیکر جانے سے منع کیا تھا لیکن میں ضد کرکے گاڑی لیکر چلا گیا تھا۔
اسکا کہنا تھا کہ اسے بھی چوٹیں آئیں، اسکے والد نے اسے منع کیا تھا کہ گاڑی نہ چلاؤ لیکن وہ نہیں مانا اور وہ میکڈونلڈ کھانا کھانے کیلئے جارہا تھا۔
ملزم کا کہنا تھا کہ اس کے پاس گاڑی چلانے کا لائسنس نہیں تھا صرف لرننگ لائسنس تھا۔
واضح رہے کہ گزشتہ روز لاہور کے ڈیفنس فیز 7 میں ایک ہی خاندان کے افراد تیز رفتار ڈرائیور کی غفلت کی بھینٹ چڑھ گئے۔
دو گاڑیوں میں 6 افراد سوار تھے جن کو کم عمر ڈرائیور کی گاڑی نے ٹکر ماری جس سے جاں بحق ہوئے۔
پولیس نے17 سالہ ڈرائیور افنان شفقت کو گرفتار کر کے تھانہ ڈیفنس سی میں مقدمہ درج کرتے ہوئے گاڑی تحویل میں لے لی ہے۔
