نیشنل ڈیٹا بیس اینڈ رجسٹریشن اتھارٹی نے ایک نئی موبائل ایپ متعارف کروادی ہے جس سے شہریوں کو گھر بیٹھے نادرا سہولیات دستیاب ہوسکتی ہیں۔
سماجی رابطے کی ویب سائٹ ٹویٹر پر جاری پیغام میں نادرا کا کہنا تھا کہ گھر بیٹھے ہر کام ہوسکتا ہے تو نادرا سنٹر کیوں جائیں، پاک آئی ڈی موبائل ایپ متعارف کروادی گئی ہے۔
نادرا کے مطابق شہریوں کو قطار اور انتظار کی زحمت سے بچانے کیلئے نادرا کی جدید ترین سہولت متعارف کروادی گئی ہے جس کے تحت خودکار نظام کی بدولت ، تصویر اپ لوڈ کرنے، فنگر پرنٹس اور آن لائن پے منٹ انتہائی آسان ہوجائے گی۔
نادرا کا کہنا ہے کہ اس ایپ کے ذریعے گھر بیٹھے قومی شناختی کارڈ(این آئی سی)، بیرون ملک پاکستانیوں کیلئے شناختی کارڈ( نائکوپ)، فیملی رجسٹریشن سرٹیفکیٹ(ایف آر سی) بنوائے جاسکتے ہیں۔
نادرا کی جانب سے جاری کردہ بیان میں کہا گیا ہے کہ کسی بھی پریشانی کی صورت میں ہیلپ لائن پر کال کریں یا کراچی، لاہور،اسلام آباد اور راولپنڈی میں نادرا میگا دفاتر میں موجود خصوصی معلوماتی کاؤنٹرز پر رابطہ کریں۔
- Featured Thumbs
- https://www.siasat.pk/data/files/s3/nai1hh113.jpg
