پشاور میں ایک گھر میں ڈکیتی کے دوران پولیس یونیفارم پہنے ڈاکو 143 تولے سونا اور 10 لاکھ روپے نقدی لے اڑے ہیں۔
تفصیلات کے مطابق ڈکیتی کی بڑی واردات پشاور کے علاقے کنال ٹاؤن میں واقع ایک گھر میں ہوئی، مکان مالک محمد طاہر کے مطابق پولیس کی یونیفارم میں ملبوس ڈاکو منہ پر نقاب پہنے گھر میں داخل ہوئے ۔
انہوں نے کہا کہ 10 روز قبل ہونے والی اس واردات میں ڈاکو 143 تولے سونا اور 10لاکھ روپے نقدی لوٹ کر لے گئے مگر پولیس نے ابھی تک ایف آئی آر درج نہیں کی بلکہ روزنامچہ درج کرکے فائل بند کردی ہے۔
پشاور پولیس کا کہنا ہے کہ واقعہ کی تفتیش جاری ہے، شواہد سامنےآنے پر مقدمہ درج کرلیا جائے گا۔
خیال رہے کہ پشاور میں جرائم کی وارداتوں میں کمی نہیں آسکی ہے، جرائم پیشہ افراد نے اب چھوٹے اسلحے کے ساتھ ساتھ کلاشنکوف کا استعمال بھی شروع کردیا ہے، اسٹریٹ کرائمز میں موبائل فونز اور والٹ وغیرہ چھیننے والی وارداتوں میں زیادہ تر کم عمر نوجوان ملوث ہیں۔
- Featured Thumbs
- https://www.siasat.pk/data/files/s3/banai1h123.jpg
