ایسے کیسے قاضی صاحب ایسے کیسے، میڈیا پر ایک بیان سے آپ صاف ستھرے ہو جائیں گے؟ یہ بھی آپ نے ججز کے کوڈ آف کنڈکٹ کی خلاف ورزی کی ہے، قاضی صاحب وقت آچکا ہے کہ سائفر کیس کا اوپن کورٹ ٹرائل کریں رجیم چینج آپریشن کے کردار لمحہ بہ لمحہ سچ بول رہے ہیں، بطورِ قائم مقام اسپیکر قومی اسمبلی سائفر کی کاپی چیف جسٹس آفس کو 12 اپریل 2022 کو بھیج چکا ہوں اور آپ کے آفس میں موجود ہے جس میں نے عدالت عالیہ سے درخواست کی ہے کہ یہ میرے ملک اور اس کی سلامتی کے خلاف سازش ہے اسے روکیں، ہمت کریں اور اوپن ٹرائل کریں، قوم کو بتائیں کہ عمران خان کی چلتی حکومت کو کیوں زبردستی گرایا گیا اور ملک کی سلامتی اور معیشت کو تباہ کیا، جنرل باجوہ کو بلائیں رجیم چینج آپریشن کے تمام کرداروں کو بلائیں سندھ ہاؤس میں انسانی منڈیاں لگانے والوں کو بلوائیں اور جب میں نے اپنی رولنگ کے زریعے وزیراعظم عمران خان کی منتخب حکومت کے خلاف بیرونی سازش کے تحت جنرل باجوہ اور ان کے سہولت کاروں کی سازش کو روکا تو رات 12 بجے عوام کی منتخب حکومت کے خلاف عدالت کھولنے والے ججز کو بلوائیں اور ان سے پوچھیں کہ ایسا کیوں اور کس کے کہنے ہے کیا، عوام کی منتخب حکومت کے فیصلے کو مسترد کرنے والے سارے ججز کو بلوائیں 9 اپریل کی رات پارلیمنٹ ہاؤس پر بزور قوت قبضہ کرنے والے اداروں کے سربراہان کو بلائیں ہم پر، عوام کے منتخب نمائندوں پر ان ہی کی پارلیمان میں بندوقیں تاننے والوں اور قیدی کی گاڑیاں منگوانے والوں کو بلوائیں، الیکشن میں دھاندلی کرنے والوں کو بلوائیں کڑوروں عوام کا مینڈیٹ چوری کرنے والوں کو بلائیں، عوام کو بتائیں کہ کس نے آروز کو زبردستی عوام کے ووٹوں کی چوری پر بٹھایا، ان سب کرداروں کو بلائیں اور ساری دنیا کے سامنے ان سب پر سنگین غداری اور ملکی سلامتی کو خطرے میں ڈالنے پر آرٹیکل 6 لگائیں آپ بھی اسی سہولت کاری کا حصہ ہیں، ہم غدار ثابت ہوئے تو ہمیں سر عام پھانسی دے دیں ورنہ ان غداروں کو لٹکا دیں۔
قاضی صاحب دو سال میں آپ اور آپ کے سہولت کاروں نے ملک تباہ کر دیا معصوم بیگناہ لوگوں کے خاندان تباہ کر دیے بچوں، عورتوں، بزرگوں پر ظلم کی انتہا کی گئی، لوگوں کو ننگا کیا گیا ان کے کاروبار تباہ کیے معصوم لوگوں کو گولیاں مار کے شھید کیا گیا لوگوں سے بندوق کے زور سے جبری پریس کانفرنسز کروائی گئیں لوگوں کی بیویوں اور بچیوں کی عزتیں لوٹنے کی دھمکیاں دی گئیں جس کا شکار میں بھی ہوا۔
پر قاضی صاحب کیا لوگ ڈر گئے؟ کیا انہوں نے یزید کے ہاتھوں بیعت کر لی؟ کیا آپ سب کی فسطائیت کچھ کام ائی؟ نہیں قاضی صاحب بلکل نہیں یہ قدرت کا اصول ہے کہ جتنا ظلم کرو گے اتنا لوگ مضبوط ہوں گے پاکستان کی عوام محبت کی زباں جانتی ہے بدمعاشی قبول نہیں کرتی اور یہ آپ اور آپ کے سہولت کاروں نے 8 فروری کو دیکھ لیا۔
قاضی صاحب کھلی عدالت لگائیں اور پاکستان کے غداروں کو پھانسی دے دیں اگر ہم غدار ثابت ہوئے تو ہم اپنی گردنیں کٹوانے کے لیے تیار ہیں لیکن یزید کی بیعت نہیں کرے گی یہ قوم۔
قاضی صاحب نہ میرا لیڈر عمران خان وقت حاضر کے یزید کی بیعت کرے گا نہ قاسم سوری یزید کی بیعت کرے گا اور نہ ہی اس کی عوام یزید کی بیعت کرے گی، ہم گردنیں کٹوانے والے ہیں وقت کے یزیدوں کے سامنے، گردنیں جھکانے والے نہیں ہیں۔
قاسم خان سوری
