25 ڈالر دیں، پاکستانی کھلاڑیوں سے ملیں، آٹو گراف لیں اور تصاویر بنوائیں

ورلڈ کپ میں شریک پاکستانی کرکٹرز سے ملنے کا بہترین موقع ، آٹو گراف لیں اور تصاویر بھی بنوائیں ، لیکن فی کس 25ڈالرز ادا کرنا پڑیں گے, دعوت نامہ سوشل میڈیا پر وائرل ہوا تو جس پی سی بی اور کرکٹ ٹیم پر تنقید کی زد میں آگئی.

سابق کپتان راشد لطیف کہتے ہیں پرائیویٹ ڈنر میں شرکت کرنا تباہ کن ہے تاہم پی سی بی نے کہا پاکستانی کھلاڑیوں نے چیریٹی پروگرام میں شرکت کی، کوئی معاوضہ نہیں لیا، رقم کسی کاز کیلئے ہوگی, پاکستان کرکٹ ٹیم میٹ اینڈ گریٹ کے نام سے دعوت نامے پر لکھا ہے کہ اگر آپ اس تقریب میں شرکت کرنا چاہتے ہیں تو آپ کو فی کس 25ڈالرز ادا کرنا ہوں گے,پی سی بی نے اس تقریب کی تصدیق کرتے ہوئے اسے چیئرٹی فنکشن قرار دیا لیکن دعوت نامے میں کسی بھی جگہ چیئرٹی کا تذکرہ نہیں ہے۔

سابق کپتان راشد لطیف کا کہنا ہے کہ کھلاڑی آٹو گراف لینےاور تصاویر بنوانے کے لئے پیسے لے رہے ہیں ورلڈ کپ سے عین پہلے پرائیویٹ ڈنر میں شرکت کرنا تباہ کن ہے۔اگر آئی سی سی یا پی سی بی اس کا اہتمام کرتا تو الگ بات تھی۔ہم یہ کہہ رہے ہیں کہ25ڈالرز ڈیں اور پاکستانی کھلاڑیوں سے ملیں۔

راشد لطیف نے دعوی کیا کہ اگر امریکا میں کوئی شخص پاکستانی کھلاڑیوں کو بلاتا ہے تو اس سے پوچھا جاتا ہے کہ پیسے کتنے دیں گے۔ہمارے دور میں بھی خیال کیا جاتا تھا اس وقت ورلڈ کپ ہورہا ہے اس لئے کمرشل معاملات کو شہ سرخیاں ملتی ہیں۔یہ فنڈ ریزنگ اور پرائیویٹ ڈنر نہیں ہیں۔
براہ کرم ایسا نہ کریں اور کرکٹ پر فوکس کریں۔اس بارے میں نمائندہ جنگ کے رابطے پرپاکستان کرکٹ بورڈ کے ترجمان کا کا دعوی ہے کہ ڈیلس میں پاکستانی کرکٹ ٹیم نے ایک چیئرٹی ایونٹ میں شرکت کی۔