پنجاب حکومت نے عوام کو ریلیف دینے کے لئے نیا طریقہ ڈھونڈ لیا، بجٹ تک 300 یونٹ سے کم بجلی استعمال کرنیوالوں کیلیے پیکیج لانے کا فیصلہ کیا ہے۔
وزیرخزانہ پنجاب مجتبیٰ شجاع الرحمن نے پنجاب اسمبلی کے احاطے میں صحافیوں سے گفتگو میں کہا کہ 300 یونٹ سے کم بجلی استعمال کرنے والوں کیلیے پیکیج پر کام کررہے ہیں، جون کے بجٹ میں اسکیم نظر آئیگی، وزیراعلی مریم نواز نے کمیٹی بنادی، ممکن ہے بجٹ سے پہلے ہی اسکیم کا اعلان کردیں۔
انہوں نے کہا کہ پنجاب میں ڈھائی کروڑ سے زائد خاندان 300 یونٹ یا اس سے کم بجلی استعمال کرتے ہیں، بجلی اور گیس کی قیمتیں بڑھانے کا تعلق وفاقی حکومت سے ہے ، پی ٹی آئی کی نااہلی اور نالائقیوں کی وجہ سے قیمتیں بڑھ رہی ہیں، ہمارے پاس اس وقت 300 ارب روپے موجود ہیں ، پنجاب کی معاشی صورتحال دیگر صوبوں سے بہتر ہے ، ہم اپنے ٹیکس کے نظام میں بہت بہتری لائے ہیں۔
ان کا کہنا تھا کہ پنجاب کی معاشی صورتحال دیگر صوبوں سے بہتر ہے، ہم اپنے ٹیکس کے نظام میں بہت بہتری لائے ہیں، شہبازشریف کے وزیراعلیٰ بننے سے پہلے ٹیکس کا سلسلہ کچھ خاص بہتر نہیں تھا۔
مجتبیٰ شجاع الرحمان کا کہنا تھا کہ بانی پی ٹی آئی کہتے تھے خودکشی کرلوں گا قرضہ نہیں لوں گا، اتنے قرضے ہم نے70سال میں نہیں لیے جتنے انہوں نے اپنے ساڑھے تین سال میں لیے۔
صوبائی وزیر خزانہ نے کہا کہ ہمارے پاس اس وقت 300ارب روپے موجود ہیں، پنجاب کی معاشی صورتحال دیگر صوبوں سے بہتر ہے، ہم اپنے ٹیکس کے نظام میں بہت بہتری لائے ہیں، شہبازشریف کے وزیراعلیٰ بننے سے پہلے ٹیکس کا سلسلہ کچھ خاص بہتر نہیں تھا۔
ان کا کہنا تھا کہ ہم اپنے صوبے کے ریونیو کو مزید بڑھائیں گے، جون میں پنجاب کا بہترین بجٹ نظر آئے گا، عوام کو ریلیف فراہم کرنے کے لیے 1500 پرائس کنٹرول مجسٹریٹ تعینات کئے گئے ہیں۔انہوں نے مزید کہا کہ عوام مہنگائی سے تنگ ہے حکومت ہر صورت میں ریلیف فراہم کرے گی، پی ٹی آئی کے 4 سال میں پنجاب کا استحصال کیا گیا ان کی نااہلیوں کو ہم نے ٹھیک کرنا ہے۔
- Featured Thumbs
- https://www.siasat.pk/data/files/s3/a11j2o131.jpg
