Sirf construction karne se agar qoumo ki zindagi or taqdeer badalti hoti to pharaos, Babylon jesi tehzeebe tabah o barbad na hoti. Kuch satehi zehn rakhne wale nadaan log samajhte he ke karachi me agar chand pul ban gae or sarhke ban gai to ye mazhar he MQM ke sache mohib-e-watan hone ka.
MQM bhi usi gand ki pedaish he jis gand ki pediash PPP, nawaz league, ANP or JUI he.
Pakistan ko agar koi bacha sakta he to wo he, syasi bedari, gheratmand qyadat jo na to mulk se bahir beth kar non-Pakistani nationality le kar waha se syasat kar rahi ho, or na hi mulk ke andar beth kar american, british or dosre darje ke diplomates se dictations le rahi ho.
Hume party bazi se nikal kar sache dil se sochna ho ga ke hume kesi qyadat chahye. Agar hum rang, nasal, ilaqayat or zuban ke hisaar se nikal kar national interests ko samne rakh kar syasat nahi kare ge to ek bheek mangi qoum ban jae ge, jo hum ban chuke he.
Pakistan ki har syasi party ka leader na ehel he, chahe wo tehreek-e-insaf ho ya MQM. Mullahs ho ya socalled lefties.
Hume Pakistan Ultra Nationalist Party chahye, is ke siwa kuch nahi. Jo bhi zuban or ilaqe ko bunyad bana kar apna vote bank bana raha he wo is mulk ka sagga nahi. Jo bhi nazrya-e-Pakistan ko past-e-push rakh kar bolta he wo ghaddar-e-ummat he.
Pakistan me sab jante hein keh ye socalled taliban jo na pakhtoon he or na hi urdu bolte or jante he, jo tarjuman istemal karte he, jo tajik or uzbek hein, wo log Bunair or Deer ke ilaqo me inteshar phela rahe he mulk dushmano ke isharo pe, or Altaf saab mulk se bahir betha Karachi ke logo ko paranoid kar raha he talibanization ka raag alap kar. Kis ke kehne pe ye raag alap raha he or iss se kya gul khilana cahata he? Is ka jawab hume MQM ke purane kartoot samne rakhte hoe ba asani mil jae ga. Guzre hoe halaat aina hote he kirdar ka.
Karachi me land mafia, drug mafia, aghwa barae tawan, daketi, target killing, syasi dehshat gardi, rahzani, rapes, rishwat khori or jitni bhi insecurity he is sheher me, wo chand pul or sarkhe bana kar hal nahi hoti. Agar koi sirf pul or sarhko ko bunyad bana kar sache or jhoote ka faisla karta he to us se zyada bewaqoof or andha shakhs koi nahi ho sakta. Ya to wo wusat-e-soch se mehroom he ya phir ek on duty propagandist he jiska kam mukhtlif nett sites pe MQM kelye PR karna he.
Pakistan ki ek ek syasai party na ehel he saltanat-e-Pakistan ko lead karne ke mamle me. Mullahs bagher kisi syasi shaor ke or bagher kisi qurani shaor ke apna raag alap rahe he. Media me foreign assets kam kar rahe he. Anchors had darja bewaqoof he, akhbarat dhamkio or paise ki bunyad pe sahafat kar rahe hein.
Hume ub apni taqdeer apne haath me leni ho gi. In dinosaurs se jan churhani ho gi. Ek nai subah kelye ek nai awaz lagani ho gi, ke subah hoti nahi jab tak soraj khooni asmaan me doob na jae.
