مشہور ٹک ٹاکر سحر حیات کو اپنے حاملہ ہونے کی خبر دینا مہنگا پڑگیا، سوشل میڈیا صارفین نے سحر حیات اور ان کے شوہر سمیع رشید کوآڑے ہاتھوں لے لیا۔
تفصیلات کے مطابق مشہور ٹک ٹاکر سحر حیات نے اپنی شادی سے لے کر ہر ہر لمحے کو نت نئے فوٹو شوٹ اور ٹک ٹاک ویڈیوز کےذریعے اپنے مداحوں کے سامنے رکھا، ان کی شادی ٹک ٹاک کا ایک مشہور ترین ایونٹ بن گیا تھا، تاہم کچھ عرصے سے سحر حیات منظر سے غائب تھی پھر اچانک وہ اپنے نئے یوٹیوب وی لاگ سے سامنے آئیں اور اعلان کیا کہ وہ حاملہ ہیں۔
اپنے شوہر کے ساتھ بنائے اس 28 منٹ طویل وی لاگ میں سحر حیات نے ساتھی ٹک ٹاکرز کو فون کیے اور بتایا کہ وہ دونوں والدین بننے والے ہیں، ساتھ ہی سحر حیات اور ان کے شوہر نے والدین بننے سے متعلق اپنے تازہ ترین فوٹو شوٹ کی تصاویر بھی انسٹاگرام پر شیئر کیں اور الٹراساؤنڈ کی تصاوری بھی پوسٹ کیں۔
سوشل میڈیا صارفین نے سحر حیات کا ایسا فوٹوشوٹ اور حمل کا اعلان کرنے پر شدیدردعمل کا اظہار کرتے ہوئے انہیں اور ان کے شوہر کو تنقید کا نشانہ بنایا اوراللہ سے ان کو ہدایت دینے کی دعائیں کیں۔
ایک صارف نے لکھا کہ ان ٹک ٹاکرز کیلئے ہر چیز سوشل میڈیا اور ڈرامہ ہے۔
علی حیدر نامی صارف نے کہا کہ سب کچھ سوشل میڈیا پر شیئر کرنا درست نہیں ہوتا، خدا کا واسطہ ہے نجی زندگیوں کو سوشل میڈیا کی زینت مت بنائیں۔
مریم نامی صارف نے کہا کہ کوئی الٹراساؤنڈ کی تصویر کیسے ڈال سکتا ہے، تم لوگ مسلمان ہو، دنیا میں نام کمانے کیلئے یہ بھول گئے ہو کہ کہ دنیا میں کس مقصد سے آئے ہو،ہم بس اتنا کہہ سکتے ہیں کہ اللہ پاک آپ لوگوں کو ہدایت دیں۔
عمر مغل نے لکھا کہ اپنی نجی زندگی کو نجی رکھو، اولاد دینا یا نا دینا اللہ کا کام ہے، تم لوگ جاہلوں کی طرح اس کی تشہیر مت کرو اور بطور مسلمان ایسےگندے کلچر کو پروموٹ نہیں کرنا چاہیے۔
ایک صارف نے کہا کہ کچھ اگر باقی رہ گیا ہے تو اس کی بھی ویڈیو بنا کر سوشل میڈیا پر ڈال دو۔
رومان انصاری نے بھی ان کو ہدایت کی دعا دی اور کہا کہ اللہ دین کی سمجھ عطاء فرمائیں۔