چیئرمین پیپلزپارٹی بلاول بھٹو زرداری وزیراعظم عمران خان پر الزام لگاکرخود ہی پھنس گئے،جلسوں کیلئے اسکول بند کروانے کا الزام الٹا پڑگیا۔
تفصیلات کے مطابق پاکستان پیپلزپارٹی کے چیئرمین بلاول بھٹو زرداری نے اپنے ایک بیان میں کہا کہ ہمیں معلومات مل رہی ہیں کہ وزیراعظم عمران خان جہاں بھی جلسہ کررہے ہیں وہاں کے اسکول بند کروادیئے جاتے ہیں۔
بلاول بھٹو زرداری نے یہ بیان آج اتوار کے روز ہونے والے جلسے سے متعلق دیا جس روز اسکولوں کی چھٹی ہوتی ہے، اس بیان پرپاکستان تحریک انصاف کے رہنماؤں سمیت سوشل میڈیا صارفین بلاول بھٹو زرداری کو یہ یاد دلارہے ہیں کہ اتوار کے روز چھٹی ہوتی ہے۔
وزیراعظم عمران خان کے معاون خصوصی ڈاکٹر شہباز گل نے اپنی ٹویٹ میں بلاول کو آڑے ہاتھوں لیتے ہوئے کہا کہ بلاول نے ایک بار پھر بے وقوفی ماری عمران خان نے سکول بند کر دیئے تاکہ بچے جلسے میں آ سکیں۔ شہباز گل نے کہا کہ بارش والے بھائی اتوار والے دن کونسا سکول؟
ٹویٹر صارفین نے بھی بلاول کے اس بیان پر خوب دل کھول کر تبصرے کیے، ضویا خان نے کہا کہ یہ چلے ہیں وزیراعظم بننے جنہیں انفارمیشن مل رہا ہے، کانپیں ٹانگ رہی ہیں اور اب اتوار کو اسکول بند کردیئے گئے، خیر پاکستان کی قسمت اتنی بری نہیں کہ ایسے لوگ وزیراعظم بن سکیں۔
عتیق نامی صارف نے کہا کہ اتوار کواسکول بند کروادیئے؟ یہ کیسا مذاحیہ انسان ہے۔
ایک صارف نے اس بیان کو تازہ ترین ٹویٹر ٹرینڈ بنانے کی کوشش کر ڈالی اور کہا کہ مارکیٹ میں نیا آئٹم آگیا۔
صارفین نے بلاول کے اس بیان کو کچھ روز پہلے زبان پھسلنے پر " کانپیں ٹانگ رہی" کےجملے سے ملا کر خوب تبصرے کیے۔
