سعودی عرب سے ملنے والی تین ارب ڈالر کی امداد کے بعد پاکستانی روپے میں بہتری آنے لگی۔۔ سٹاک مارکیٹ میں بھی غیریقینی صورتحال کے بعد معمولی تیزی ریکارڈ
تفصیللات کے مطابق آج روپے کی مسلسل قدر گرنے کے بعد پاکستانی روپے میں بہتری دیکھنے میں آرہی ہے۔ ڈالر کی قدر میں 29 پیسے کمی دیکھنے میں آئی۔
ا سٹیٹ بینک کی جانب سے جاری کردہ اعداد و شمار کے مطابق رواں ہفتے کے پہلے کاروباری روز کے دوران انٹر بینک میں روپے کے مقابلے میں امریکی ڈالر 29 پیسے سستا ہو گیا اور ڈالر کی قیمت 176 روپے 77 پیسے سے کم ہو کر 176 روپے 48 پیسے ہو گئی ۔
دوسری جانب اوپن مارکیٹ میں بھی ڈالر کی قدر میں کمی دیکھنے میں آرہی ہے۔
آج پاکستان سٹاک مارکیٹ میں بھی معمولی تیزی دیکھنے میں آئی۔۔ اُتار چڑھاؤ کے بعد 47.94 پوائنٹس کی تیزی ریکارڈ کی گئی اور 100 انڈیکس 43280.77 پوائنٹس کی سطح پر پہنچ گیا۔
آج کاروباری دن کے اختتام پر 0.11 فیصد کی بہتری دیکھی گئی جبکہ 7 کروڑ 40 لاکھ 36 ہزار 919 شیئرز کا کاروبار ریکارڈ ہوا۔
خیال رہے کہ 2 دسمبر جمعرات کے روز سٹاک مارکیٹ کریش ہوگئی تھی اور دیکھتے ہی دیکھتے 2300 سے زائد پوائنٹس کی کمی دیکھنے میں آئی۔
