asal baat wohee hai jo main baar baar explain ker chuka hun keh quran ke siwaa aur koi kitaab khudaa ki taraf se is dor main mojood hi nahin hai. rahee baat riwayaat ki to woh insaani likhi hui kitaabun main hen lihaaza agar woh quraan ke mutaabiq hen to qaable qabool hen warna nahin.
quraan kia hai? insaani maashre ke liye aik program ya manifesto hai khudaa ki taraf se jis main aik drust dastoor aur us ke saath zaroorat ke mutaabiq drust qawaneen ke liye hidayaat di gayee hen. taa keh her dor ke insaan apne apne dor main apni soch samajh ke mutaabiq dastooro qawaneen banaa saken. riwayaat ka role bas itna hi hai keh pehle logoon ne kaise kaise dastooro qawaneen banaaye the quraan aur haqaaiqe duniya ki roshni main. agar woh drust the aur hen to theek warna jo drust hun woh dastooro qawaneen banaaye jaayen ge.
issi tarah insaani likhi hui taareekh ki kitaaben bhi zaroori hen keh in se aane waale insaanu ko pata chal sakta hai pehle waale log kia ker ke ge hen is duniya se aur kia woh drust tha ya ghalat. insaanu ko usse faaida mila ya nuqsaan waghera waghera. ye kehna keh riwayaat ya tareekh ki kitaaben bekaar hen mere nazdeek drust baat nahin hai. bilkul ussi tarah jaise ye kehna keh deen wohee hai jo riwayaat main hai. kyunkeh riwayaat ya tareekh dono hi ghalat ya drust ho sakte hen. issi liye asal bunyaad quraan hi ho ga aur us ki baatun ki woh tashreeh jisse quraan khudaa ki kitaab saabit hota hai na keh mullaan waali tashreeh jis ka na sar hai na paer. For a detailed explanation see
HERE.