mulk se corruption ka mukammal khaatama deene islam ke nifaaz ke baghair kisi bhi tareeqe se ho hi nahin sakta. is ki asal wajah hi ye hai keh mulk ka nizaam hi corruption per khadaa hai.
lihaaza agar log mulk se corruption ka mukammal khaatma chahte hen to un ko deene islam ko kaafi mehnat ker ke jaanana ho ga taa keh unko pata chal sake deene islam her burayee ko kaise jard se khatam ker sakta hai logoon ki zehniyat ko badal ker.
imran khan sb isse ziyaada kuchh bhi nahin ker sakte keh corruption ko kisi qadar kam ker saken. chor ki agar zehniyat nahin badli jaaye gi to woh kisi na kisi tarah se kuchh na kuchh chori ker hi le ga. phir agar mahol hi aisa ho jo her aik ko chori daake per majboor kare to phir chori daaka roka kaise jaa sakta hai keh khud ko zinda rakhna her aik ki khawaish hoti hai chahe jaise bhi ho.
jin logoon ke zehnu main taaqatwar banana aur daulat mand banana hi un ki zindagi hai bajaaye aik achhaa insan banane ke to un ko corruption se koi bhi rok hi nahin sakta siwaaye asal deene islam ki saheeh talimaat ke.
deene islam logoon ke zehnu ko badal sakne ki poori poori taaqat rakhta hai albatta deene islam ki asal talimaat ko aam kerne ke liye barsun darkaar hen. is liye keh sab se pehle to aise log peda kerne ki zaroorat hai jo asal deene islam ko theek tarah se jaante hun aur phir un ko doosrun ko taleem dene per lagaa ker hi ye kaam kiya jaa sakta hai jis ke liye munaasib arsa darkaar hai.
asal baat ye hai keh deene islam jab tak ilmi tor per mazhab aur secularism ko saaf saaf shikast nahin deta is ka ghalba mumkin hi nahin hai. aisa ho hi nahin sakta jab tak logoon ki aisi aik jamaat tayaar nahin ho jaati.
ye woh baat hai jis per koi bhi dhiyaan hi nahin de rahaa. sab apni apni zindagi ko behtar banaane ki fiker aur koshish main lage huwe hen bila jaane keh in ki aisi tamaam koshishun ka nateeja kuchh bhi nahin nikle ga. is liye keh aaj tak insaanu ki her basti main yahee kuchh hota chala aaya hai siwaaye un bastiyun ke jin main khudaa ke paighambrun ne logoon ko asal deene islam ke mutaabiq saheeh tarah se jeena sikhaaya. For better understanding of deen of islam from the quran see
HERE,
HERE,
HERE and
HERE.