jab tak khud ko musalmaan kehlwaane waale quraan ko theek tarah se samajhne per tawajo nahin dete woh quraani nizaam qaaim ker hi nahin sakte. quraani nizaam qaaim kerna to door ki baat hai us ki shuru-aat tak bhi nahin ker sakte.
agra ham ne quraani nizaam qaaim kerna hi hai to quraan ke baghair ham ye nizaam kaise qaaim ker sakte hen? agar quraani nizaam khudaa ki rahnumayee ke baghair qaaim ho sakta to khudaa ko wahee kerne ki zaroorat hi kia thi?
isi liye sawaal peda hota hai keh quraan ko saheeh tarah se samajhne ka drust tareeqa kia hai aur us ke liye insaanu ko kis qisam ke aloom ki kis had tak kis qadar zaroorat hai. agar aap ne khud ko is qaabil hi nahin kiya keh aap quraan ko theek tarah se samajh saken to phir maarte rahiye diwaar main takren aur phhorte raiye apne sarun ko.
aap logoon ne to itni takleef bhi gawaara na ki keh aap ne meri woh baaten bhi maloom na keen jin ke jaane baghair aap kabhi bhi quraan ko theek tarah se samajh hi nahin sakte. yahee wajah hai main ne aap ki tawaj un baatun ki taraf dilaane ki koshish ki hai.
agar aap log thodi aqal istemaal kerte to agar aap khud quraan per research nahin ker sakte to kam se kam un logoon ki baaten hi samajhne ki koshish kerte jin logoon ne quraan per saheeh maanu main apni zindagiyan sarf ki hen. aap bajaaye un logoon ki mehnat se faaida uthaane ke ulta danda le ker unhi ke peechhe pade huwe hen.
aap main se koi aik bhi aisa nahin hai jo saara quraan to aik taraf sirf quraan ki sab se pehli soorat yani al-faatihah ka drust mafhoom hi bayaan ker sake us ke drsut context main. jis taraf jaahil mullaaan ne aap ko lagaaya huwa hai usse aap zarra baraabar bhi idhar udhar hatne ko tayaar hi nahin hen.
main ye baat pakki pakki saabit ker chuka hun keh mullaan ka islam deene islam nahin hai. ye baat aap log bhi jaante hen magar is baat ka izhaar nahin ker rahe. agar ye baat na hoti to aap main kitne log meri baatun ko ghalat saabit ker chuke hote jaise aap aik firqe ke mullaan ki baaten doosre firqe ke logoon ke mullaan ke mutaabiq rad kerte rehte hen.
mere nazdeek sab firqun ke sab mullaan ghalat hen. agar himmat hai to woh mere sawaalaat ke jawaabaat saamne laayen. main ye nahin kehta keh her mullaan ki her baat ghalat hai magar ye keh mullaan ki her baat ka context ghalat hai. is liye keh mullaan log quraan ka mafhoom mazhabi context main pesh kerte hen aik nizaam ke context main nahin.
kabhi socho agar mullaan log quraan ka mafhoom mulki nizaam ke context main bayaan kerte to kia ap log itne jaahil hote jitne ke hen? her giz nahin. is liye ke phir aap bahot zabardast qanoon daan hote. bahot hi zabardast sansdaan hote. bahot hi zabardast falaasfar hote. yun hi aap zabardast siyaasatdaan hote aur intahee zabardast mahire maashiyaat hote waghera waghera. aap main se her koi apna ghar, apna gaaon, apna shehr balkeh apna mulk tak bahot hi ehsan tareeqe se chalaa sakta.
logoon ke andar deene islam se naawaaqfiyat ke siwaa kuchh nahin hai. sochen ye naawaaqfiyat kaise door ho gi aur phir us ko door kerne ka drust program banaayen aur us per theek tarah se amal karen aur baaqi sab khudaa per chhor den. is ka nateeja aap ko apni apni mehnat ke mutaabiq mile ga aur aap issi duniya main aik zabardast tabdeeli dekhen ge drust simt main.
agar aap quraani nizaam laana chahte hen to khud is per meri tarah kadi mehnat kijiye. ye nizaam aa jaaye ga. mullaan ki baatun main apna waqt aur mehnat barbaad mat karen. ye main is liye keh rahaa hun keh mullaan shaitaan log hen jin ko issi maqsad ke liye wajood main laaya gayaa hai taa keh woh deene islam ko apne behuda mazhabi khayaalato jazbaat main chhupaa den aur us main jhakde rakhen, taa keh hukamraan aur sarmayadaar log kamzor logoon ko dabaaye rakhen in main aapas main siyaasi, sarmayadaari aur mazhabi taqseem ker ke. lihaaza apni aankhen kholiye aur in logoon ke haathun mazeed bewaqoof mat baniye aur mazeed barbaad mat hoiye. For detailed explanation of things see
HERE.
quraan ka nizaam laana hai to bismillah se pehle taooz padhna ho ga. taooz ke padhne ka maqsad insaanu ko is baat ka ehsaas dilaana hai keh jo kuchh woh apne zehnu main khudaa ke mutaliq ghalat yani mazhabi aur secular khayalaato tasawuraat rakhte hen apni toham parasti aur shakhsiyat parasti ki wajah se un ko woh aik taraf rakh ker quraan ki baatun ko un ke apne context main samajhen, taa keh un ki in jakadbandiyun se jaan chhoote jo logoon ne apne zehnu main apne liye khud banayee hui hen.
taooz ke baad tasmiya yani bismillah padhne ka maqsad ye hai keh logoon ko is baat ka ehsaas dilaaya jaaye keh khudaa woh nahin hai jo logoon ne apne zehnoo main ghadaa huwa hai yani aik jaabir zaalim shakhsiyat balkeh us ka ulat hai, yani rahmaano raheem hai. issi liye to woh hamad ke qaabil hai. is liye keh us ne insaanu ko aik aisa nizaamen hiyaat diya hai jis ki misaal ho hi nahin sakti. issi liye to quraan ki tarah ki kitaab likhna insaanu ke bas ki baat hi nahin hai.
soorat faatiha ki ibtadaa per ghor kijiye. yahaan peghamber ko bataaya jaa rahaa hai keh khudaa ki taraf se elaane aam ker do in baatun ka jo batayee jaa rahee hen. bismillah ka tarjman ye hai keh declare openly or publicly the sent message in the name of Allah. yani ye aik proclamation hai khudaa ki taraf se insaanu ke liye. This declaration is from Allah, the rahmaano raheem fior humanity as a whole.
The way of life advised by Allah is the best possible which has no equivalent because Allah alone is sustainer of the all kinds of creations he has created or will create. Hamad does not mean taareef here, it means appreciation of something that comes from the very bottom of one's heart and is expressed into words involuntatrly eg wow what a beautiful thing sort of thing after the idea has been realised or understood or has been turned into a reality in the real world. This is the kind of appreciation God is looking for from his human creatures. It has nothing at all to do with empty words used during so called praying God. That is just empty lip service that serves no purpose in proper context of the quran.
So put this interpretation of the quranic verses side by side with what mullaans have been telling us and see the difference if you have the needed sense to understand things. maaliki yaumiddeen ka matlab hai woh dor jab deene islam poori insaani duniya main apni poori aabo taab ke saath saamne aa jaaye ga.
kabhi ea haqeeqate muntazar nazar aa libaase majaaz main.
iqbal ke in sherun main issi haqeeqat ki baat ho rahee hai jis ka sab insaani duniya ko intazaar hai. aik is ko theek tarah se samajhne ka keh baghair logoon ke is nizaam ko samjhe ye haqeeqat nahin ban sakta aur doosra jab log khud samajh ker is ko haqeeqat ka roop den ge.
issi liye iqbaal ki jabeen main hazaarun sajde tadapte rahe keh us ki zindagi main ye nizaam qaaim na ho saka jis ki us ko bahot had tak samajh thi magar logoon ko woh ye baat barwaqt samjhaa na saka. is liye keh log aik taraf ziyaada ter jahil aur doosri taraf mazhab zada zehnu ke maalik the.
mullah ki azaan aur mujahid ki azaan aur
iqbal ka kalaam mullaan ke khilaaf kyun hai? issi liye keh mullaan woh shaitaan hai jo hukamraanu aur sarmayadaarun ko tahafuz deta hai. ye logoon ko khudaa ke naam per khudaa ke nizaam se door kerta hai tohamaat parasti ke zariye.