pakistan ko drust simt ki taraf modna bahot hi zaroori hai warna is ke wajood ko khatra hai. is mulk ko asal deene islam naafiz kerne ke liye banaaya gayaa tha taa keh asal islam ka model duniya ke saamne pesh kiya jaa sake. jab baaz musalmaanu ki taraf se pakistan banaane ki khawaish logoon ke saamne ayee to hindwun ne fasadaat shuroo ker diye jis ki wajah se pakistan us tarah wajood main na aa saka jaise aana chahiye tha.
pakistan banaane ka maqsad hindu muslim logoon ko ilaada ilaada kerna nahin tha aur na hi hindostan ka batwaara maqsood tha.. sirf aik munaasib khitta e zameen haasil kerna maqsood jahaan per islam naafiz ker ke sab logoon ko dikhaa diya jaaye. magar hindu muslim fasadaat ne sab maamla gad bad ker diya. yahee wajah hai pakistan ke liye drust dastooro qanoon na ban saka aur sab kuchh jaldbaazi main ho gayaa aur kerna pada.
pakistan bante hi mazhabi aur secular logoon ke haathun main chala gayaa jinhune is ko barbaad ker ke rakh diya. sab se ziyaada is nazriye ko nuqsaan waderun ne pohnchaaya jo jageerdaar aur nawaab the. in logoon ne land reforms nahin hone deen aur mahaajerun ko zaleel kiya. jo log un hissun main settled the jo pakistan ka hissa bane un main se kam logoon ko is baat ka ehsaas tha keh paksitan kyun wajood main aaya hai ya laaya gayaa hai. issi liye unhune us waqt koi khaas tehreek na chalayee pakistan ko drust dastooro qanoon dene ke liye jo is ko riyaasate madina banaa sakta. khair dair aayad drust aayad. laikin ab bhi logoon ko asal deene islam ko theek tarah se samajhna ho ga taa keh woh pakistan ko saheeh maanu main riyaasate madina banaa saken. For detailed explanations see
HERE.