پاکستان کی نیشنل یونیورسٹی آف سائنسز اینڈ ٹیکنالوجی، قائداعظم یونیورسٹی اور پاکستان انسٹیٹیوٹ آف انجینئرنگ اینڈ اپلائیڈ سائنسز دنیا کی پانچ سو بہترین یونیورسٹیز میں شامل کردی گئیں۔
برطانوی ادارے نے دنیا کی پانچ سو بہترین یونیورسٹیوں کی فہرست جاری کردی، فہرست میں پاکستان کی بھی تین جامعات کو شامل کیا گیا ہے۔
دنیا بھر کی جامعات پر نظر رکھنے والے برطانوی ادارے کواک ریلی سائمنڈز کی سال 2022 کی 500 بہترین جامعات کی جاری کی گئی فہرست میں پاکستان کی نیشنل یونیورسٹی آف سائنسز اینڈ ٹیکنالوجی نسٹ 334،قائداعظم یونیورسٹی کیو اے یو 363، پاکستان انسٹیٹیوٹ آف انجینئرنگ اینڈ اپلائیڈ سائنسز پی آئی ای اے ایس 390 نمبر پر ہے۔
بہترین کارکردگی کی بنیاد پر امریکی یونیورسٹی میساچوسٹس انسٹیٹیوٹ آف ٹیکنالوجی فہرست میں پہلی پوزیشن پر ہے، برطانیہ کے مشہور تعلیمی ادارے کیمبرج یونیورسٹی کو دوسری پوزیشن ملی ہے،
دس بہترین جامعات پانچ امریکی، چار برطانوی جب کہ ایک سوئٹزرلینڈ کی جامعہ شامل ہے۔
ایشیا کی سب سے بہتر یونیورسٹی کا اعزاز نیشنل یونیورسٹی آف سنگاپور کو ملا،عالمی سطح پر 11 ویں پوزیشن حاصل کرلی ہے، چین کی دو جامعات پیکنگ یونیورسٹی 12 ویں اور ٹسنگ ہوا یونیورسٹی کو 14 ویں نمبر پر رکھا گیا ہے۔
- Featured Thumbs
- https://www.siasat.pk/data/files/s3/world-best-uni%20tt.jpg
