نجی ٹی وی چینل کے ایک پروگرام میں نا صرف غیر مناسب جگت بازی کی گئی بلکہ اس جگت کو مزید ہائی لائٹ کرنے کیلئے ٹائٹل بھی بنایا گیا، سوشل میڈیا صارفین نے سخت ردعمل دیتے ہوئے چینل کے بائیکاٹ کا مطالبہ کردیا۔
تفصیلات کے مطابق پبلک نیوز کے ایک پروگرام میں عدت میں نکاح سے قبل نامناسب جگت بازی کی گئی، چینل کی جانب سے بجائےاس متنازعہ جگت بازی کو حذف کرنے کے اس کا کلپ سوشل میڈیا پر شیئر کیا گیا اور ٹائٹل بھی متنازعہ جگت کو بنایا گیا تاکہ اسے مزید ہائی لائٹ کیا جاسکے۔
پبلک نیوز کی جانب سے اس غلطی اور اس پر ڈٹے رہنے پر سوشل میڈیا صارفین شدید برہم ہوئے اور انہوں نے پروگرام کی پروڈکشن ٹیم اور چینل انتظامیہ کو آڑے ہاتھوں لیا، صحافی واینکر مخدوم شہاب الدین نے اس جگت اور ٹائٹل کو قابل مذمت قرار دیا۔
گلفام چوہدری نامی صارف نے لکھا کہ پبلک نیوز کپڑے اتار کر ننگا ناچ کررہا ہے ، ایسی میڈیا انڈسٹری پر فٹے منہ۔
عزیز مغل نامی صارف نے کہا کہ یہ لوگ کس حد تک گریں گے۔
عمیر نامی صارف نے پروگرام کےمیزبان محسن عباس حیدر سے مایوسی کا اظہار کرتے ہوئے کہا کہ آپ سے یہ امید نہیں تھی، شرمناک حرکت ہے۔
حنا مختیار نے بھی محسن عباس حیدر کومخاطب کرتے ہوئے کہا کہ آپ خود اس قسم کی صورتحال سے گزر چکے ہیں،آپ کی بہت عزت کرتی تھی مگر آپ کو ایسی گھٹیا مہم کا حصہ بننے سے پہلے تھوڑی شرم کرلینی چاہیے تھی۔
- Featured Thumbs
- https://www.siasat.pk/data/files/s3/6پبلیچنعوسکدکھدھکسنکدھ.png
