نیشنل سائبر کرائمز اینڈ انویسٹی گیشن ایجنسی کے قوانین کو منسوخ کر دیا گیا ہے، اور اب اس کے اختیارات ایف آئی اے کے سائبر کرائم ونگ کو منتقل کر دیے گئے ہیں۔
اسلام آباد سے موصولہ اطلاعات کے مطابق، ایجنسی کے قوانین کی منسوخی کا فیصلہ اسٹرکچر کی عدم تکمیل کے باعث کیا گیا ہے۔
حکام کا کہنا ہے کہ جب ایجنسی کا ڈھانچہ مکمل ہو جائے گا، تو ان قوانین کو دوبارہ فعال کیا جائے گا۔
اس تبدیلی کے نتیجے میں نیشنل سائبر کرائمز اینڈ انویسٹی گیشن ایجنسی میں آنے والے کیسز بھی ایف آئی اے سائبر کرائم ونگ کو منتقل کر دیے گئے ہیں۔
اس کے علاوہ، ایف آئی اے کے سائبر کرائم ونگ کو سوشل میڈیا پر ہونے والے جرائم کے خلاف کارروائی کرنے کا اختیار بھی مل گیا ہے۔
یاد رہے کہ نیشنل سائبر کرائم اینڈ انویسٹی گیشن ایجنسی 2023 میں سوشل میڈیا جرائم کی روک تھام کے لیے قائم کی گئی تھی۔ تاہم، مستقل ڈی جی، افرادی قوت، اور تھانوں و عدالتوں کے قیام میں ناکامی کی وجہ سے ایجنسی کے قوانین منسوخ کیے گئے ہیں۔
- Featured Thumbs
- https://www.siasat.pk/data/files/s3/fiah1i1h222.jpg
