بھارتی فضائیہ کے پائلٹ ونگ کمانڈر ابھی نندن ورتھامن کو بھارت کی جانب سے صدارتی ایوارڈ ملنے پر سوشل میڈیا صارفین حیران ہیں کہ کس طرح بھارت اپنے شکست خوردہ پائلٹ کو اعزازات سے نواز رہا ہے جبکہ وہ بھارت کیلئے سبکی کا باعث بنا تھا۔
بھارت کی جانب سے ابھی نندن کو "ویرچکرا" ایوارڈ ملنے پر صارفین کا کہنا ہے کہ بھارت ہٹ دھرمی دکھا رہا ہے اور سمجھ رہا ہے کہ ابھی نندن بھی سرخرو ہوا ہے اگر یہ بات ہے تو اس طرح تو نواز شریف بھی سرخرو ہیں اور سزا کے دوران بہانا بنا کر لندن جا کر بیٹھ گئے ہیں۔
وفاقی وزیر اطلاعات نے مزید کہا کہ ’ابھی نندن کو ایوارڈ دے کر بھارتی ایوان صدر میں کامیڈی فلم کی شوٹنگ کا سین فلمایا گیا۔‘
سید عامر علی شاہ نے کہا کہ بھارت میں پاکستان کے ہاتھوں شکست کھائے ہوئےایک پائلٹ ابھی نندن کو تمغے مل رہے ہیں وہ ابھی نندن جس نے بھارت کی عزت کو خاک میں ملا دیا اور پاکستان سے شکست کھائی، ویسے ہی کچھ ذہنی غلام پاکستان میں ایک مفرور مجرم کو سرخرو کروانے میں لگے ہیں جو کرپشن کی دنیا کا بے تاج بادشاہ ہے۔
ڈاکٹر فاطمہ خان نے کہا کہ یہ بھی نواز شریف کی طرح سرخرو ہوا ہے آج۔
سعدیہ اسد نے کہا کہ ابھی نندن بھی ایسے ہی سرخرو ہوا ہے جیسے نواز شریف ہر دو منٹ بعد بیٹی اور سوشل میڈیا کے ہاتھوں سرخرو ہوتے ہیں۔
امجد خان نے لکھا کہ انڈیا والوں نے بھی صحیح نواز شریف والا کام پکڑا ہوا ہے، ہر دو مہینے بعد ان کا ابھی نندن سرخرو ہو جاتا ہے۔
صحافی خاور گھمن نے کہا کہ طیارے پاکستانی پائلٹس نے گرائے اور بہادری کا انعام ابی نندن کو دیا جا رہا ہے۔ کیا یہ کھلا تضاد نہیں؟
ہانی سید نے کہا کہ ابھی نندن سوچ رہا ہو گا کہ مجھے یقین نہیں آ رہا ہے کہ میری ایوارڈ کیلئے سلیکشن ہو گئی ہے۔
ایک صارف نے کہا کہ ابھی نندن خود سوچ رہا ہوگا کہ وہ کوئی ہیرو تو نہیں مگر بھارتی حکومت کہ رہی ہے کہ وہ ہے، اس کو پتہ نہیں ہے لیکن وہ ہیرو ہے۔