ڈھائی سال قبل اسلام آباد ریڈ زون میں شہری پر فائرنگ کرنے کے الزام میں برطرف ایڈیشنل سیشن جج جہانگیر اعوان کو بحال کردیا گیا ہے۔
تفصیلات کے مطابق اسلام آباد ہائی کورٹ کے جوڈیشل ٹریبونل نے دسمبر 2020 میں اسلام آباد ریڈ زون فائرنگ واقعہ میں برطرف ایڈیشنل سیشن جج جہانگیر اعوان کو بحال کرنے کے احکامات جاری کردیئے ہیں۔
جہانگیر اعوان نے ریڈزون میں ایک جھگڑے کے دوران شہری کے پاؤں پربھی فائرنگ کی تھی جس کی وجہ سے انہیں برطرف کردیا گیا تھا۔
یادرہے کہ 7 دسمبر 2020 اسلام آباد ہائی کورٹ کے اس وقت کے چیف جسٹس اطہر من اللہ نے ایڈیشنل سیشن جج جہانگیر اعوان کو برطرف کردیا تھا۔
جہانگیر اعوان کا ریڈ زون کے ایک پیٹرول پمپ پر ایک شہری سے جھگڑا بھی ہوا تھا، اس کے ساتھ ساتھ ان کے مس کنڈکٹ کے حوالے سے بھی ایک انکوائری زیر التوا تھی۔
