گزشتہ دونوں ایمان مزاری کے ایک متنازعہ پوڈ کاسٹ کےو ائرل ہونے کےبعد پوڈکاسٹ کرنے والے سوشل میڈیا ایکٹیوسٹ عمران نوشاد لاپتہ ہوگئے ہیں۔
تفصیلات کے مطابق عمران نوشاد گزشتہ رات لاہور سے لاپتہ ہوئے جہاں وہ اپنے اگلے پوڈکاسٹ کی ریکارڈنگ کیلئے موجود تھے، عمران نوشاد کے بھائی عدنان نوشاد کو بھی سادہ کپڑوں میں ملبوس کچھ افراد بونیر سے اٹھا کر لے گئے ہیں۔
خیال رہے کہ عمران نوشاد کا گزشتہ دنوں ایک پوڈکاسٹ سوشل میڈیا پر وائرل ہوا تھا جس میں وکیل و سماجی کارکن ایمان مزاری پاک فوج کے کردار پر تنقید کرتے ہوئے اعلی فوجی افسران پر تنقید کررہی تھیں۔
ایمان مزاری کا کہنا تھا کہ یہ ایک دو افراد کی بات نہیں ہے یہ ادارے کی ذہنیت میں مسئلہ ہے، ایوب خان، ضیاء الحق، جنرل باجوہ، جنرل فیض یہاں تک کہ جنرل عاصم منیر بھی، یہ سب جھوٹ بولتے ہیں کہ ہمارا سیاست میں کوئی کردار نہیں ہے۔
ایمان مزاری نے اس پوڈ کاسٹ میں فوجی افسران کو شدید تنقید کا نشانہ بنایا جس کے بعد سوشل میڈیا پر سخت ردعمل سامنے آیا، پوڈکاسٹ کے میزبان عمران نوشاد نے ردعمل کو دیکھتے ہوئے وضاحت دی کہ یہ پوڈکاسٹ انہوں نے 9 مئی سے پہلے اپریل 2023 میں ریکارڈ کیا تھا۔
تاہم پوڈکاسٹ کے معاملے پر وضاحت کے باوجود عمران نوشاد کو لاہور سے جبکہ ان کے بھائی عدنان نوشاد کو بونیر سے لاپتہ کردیا گیا ہے۔