بھارتی وزیراعظم نریندر مودی کی والدہ ہیرابین مودی 99 برس کی عمر میں چل بسیں،بھارتی میڈیا کے مطابق ہیرابین مودی گجرات کی ایک کارڈیولوجی اسپتال میں زیر علاج تھیں،جہاں گزشتہ رات ان کی طبیعت بگڑ گئی۔
وزیراعظم نریندر مودی نے ٹوئٹر پر اپنی والدہ کے انتقال کی تصدیق کرتے ہوئے انہیں خراج عقیدت پیش کیا، انہوں ے کہا کہ ان کی ماں کی ایک بات ہمیشہ یاد رہتی ہے کہ ذہانت سے کام لو اور زندگی پاکیزگی کے ساتھ گزارو۔
مودی نے جون میں اپنی والدہ کی 100 ویں سالگرہ پر پہلی بار خود اپنی والدہ کا ذکر ایک بلاگ میں کیا تھا، نریندر مودی نے 18 جون کا دن اپنی والدہ ہیرابین مودی کی 100 ویں سالگرہ پر گجرات کے دارالحکومت گاندھی نگر میں ان کے گھر جا کر گزارا تھا۔
وزیراعظم پاکستان شہباز شریف کا بھارتی وزیراعظم سے ان کی والدہ کے انتقال پر تعزیت کا اظہار۔
وزیراعظم نے پیغام میں لکھا کہ ماں کو کھونے سے بڑا کوئی نقصان نہیں ہے ۔