بھارتی میڈیا نے ٹی 20 ورلڈ کپ 2022 کے سیمی فائنل میں انگلش کرکٹ ٹیم کے ہاتھوں اپنی کرکٹ ٹیم کی بدترین ہار کا ملبہ پاکستان پر ڈال دیا ہے اور کہا ہے کہ بنگالی جادو سے یہ سب کیا گیا ہے۔
اس حوالے سے ایک بھارتی نیوز چینل ہے خبر دی ہے بھارتی کرکٹ ٹیم کی سیمی فائنل میں ہارنے کی وجہ کوئی اور نہیں بلکہ پاکستان ہے۔ اس کے لیے پاکستان میں کالا جادو استعمال کیا ہے۔
نیوز رپورٹ میں کہا گیا کہ جیت یا ہار کھیل کا حصہ ہے لیکن اس بار ہندوستان مخالف ٹیم سے ایک بھی وکٹ حاصل کرنے میں ناکام رہا کیونکہ انگلش سائیڈ نے 4 اوور پہلے ہی فتح سمیٹ لی تھی۔
خبر میں کہا گیا ہے کہ پوائنٹس ٹیبل پر بھارتی ٹیم سب سے اوپر تھی پھر بھی اس کے باوجود بھارتی ٹیم ٹورنامنٹ سے باہر کیسے ہوگئی۔
بھارتی میڈیا کی جانب سے یہ دعوے کیے جارہے ہیں کہ پاکستانی ٹیم فائنل میں بھارتی ٹیم کا مقابلہ کرنے سے گھبرا رہی تھی اس لیے انہوں نے کالے جادو کا سہارا لیا۔
اپنی خبر میں دلچسپی بنانے کے لیے بھارتی میڈیا نے اس خبر کے ساتھ ایک پاکستانی اداکارہ کا ٹویٹ شامل کیا جس میں اس اداکارہ نے کہا کہ وہ پاکستان کی جیت کے لیے کالا جادو کرائیں گی۔
سحر شنواری نے اپنی ٹویٹ میں کہا کہ اگر پاکستان جنوبی افریقہ کو ہرا دیتا ہے تو اس کے بعد بھارتی ٹیم پر کالا جادو کروانے کے لیے جائیں گی تاکہ وہ زمبابوے کے خلاف جیت کے لئے راہ ہموار ہوگی۔
مگر مضحکہ خیز طور پر اس کالے جادو کے باوجود صرف ویرات کوہلی اور ہاردک پانڈیا ہی انگلش ٹیم کے خلاف چلے، جادو ان دونوں بھارتی کھلاڑیوں پر نہیں چلا؟
